________________
તે
જે મુમુક્ષુ આ બાર ભાવનાઓમાંથી કોઈ એક ભાવનાનો પણ વિશુદ્ધ મનથી ઉત્કટ ચિંતન-મનન નિધિધ્યાસન (આચરણ) કરે છે, તે સુનિશ્ચિતરૂપે શીઘ્ર જ શાશ્વત શિવસુખનો અધિકારી થઈ જાય છે. આ રીતે આચાર્યશ્રીએ દાન-શીલ-તપ-ભાવનારૂપ ધર્મનું સવિસ્તાર વિવેચન કર્યું.
આચાર્ય વિનયાનંદના મુખારવિંદથી ધર્મના વાસ્તવિક સ્વરૂપને સાંભળી રાજકુમાર પુરુષસિંહના અંતર્ચક્ષુ ઉન્મીલિત (ખુલ્લી જવું) થઈ ગયાં. એમણે હાથ જોડી નતમસ્તક થઈ આચાર્ય વિનયાનંદને નિવેદન કર્યું : “ભગવન્ ! તમે ધર્મનું જે સુંદર સ્વરૂપ બતાવ્યું છે, એનાથી મને નવો પથ દૃષ્ટિગોચર થયો છે. મને સંસારના ક્રિયાકલાપોની વિરક્તિ થઈ ગઈ છે. મારી તમને એ જ પ્રાર્થના છે કે - ‘તમે મને શ્રમણધર્મમાં દીક્ષિત કરી તમારાં ચરણોની શીતળ છાયામાં શરણ આપો.'''
આ પ્રમાણે રાજકુમાર પુરુષસિંહ પોતાનાં માતા-પિતાની આજ્ઞા મેળવી આચાર્ય વિનયાનંદની પાસે દીક્ષિત થયા. શ્રમણધર્મ સ્વીકારીને પછી એમણે ઘણી નિષ્ઠાથી આગમોનું અધ્યયન કર્યું. સુદીર્ઘકાળ સુધી સંયમ-પાલન કરતા કરતા તીર્થંકર નામકર્મ ઉપાર્જનના ૨૦ બોલોમાંથી કેટલાક બોલોની ઉત્કૃષ્ટ આરાધના કરી અને તીર્થંકર નામકર્મનું ઉપાર્જન કર્યું. અંતે સમાધિપૂર્વક આયુ પૂર્ણ કરી વૈજયંત નામક અનુત્તર વિમાનમાં ૩૩ સાગરોપમની આયુવાળા મહર્દિક અહમિન્દ્રના રૂપમાં ઉત્પન્ન થયા.
સુમતિનાથનો જન્મ અને નામકરણ
વૈજયંત વિમાનની સ્થિતિ પૂર્ણ થયા પછી શ્રાવણ શુક્લની દ્વિતીયાએ મઘા નક્ષત્રમાં પુરુષસિંહનો જીવ વૈજયંત વિમાનમાંથી ચ્યુત થઈ અયોધ્યાપતિ મહારાજ મેઘની રાણી મંગલાવતીના ગર્ભમાં આવ્યો. ત્યાર બાદ માતા મંગલાવતી ગર્ભસૂચક ૧૪ શુભ સ્વપ્ન જોઈ પરમ પ્રસન્ન થઈ. ગર્ભકાળ પૂર્ણ થતાં વૈશાખ શુક્લ અષ્ટમીએ મધ્યરાત્રિના સમયે મઘા નક્ષત્રમાં માતાએ સુખપૂર્વક પુત્રરત્નને જન્મ આપ્યો. બાળકના ગર્ભમાં રહેવાના સમયે મહારાણીએ પોતાની સુમતિના પ્રભાવથી મોટી-મોટી ગૂંચવાયેલી સમસ્યાઓનાં નિરાકરણ કર્યા હતાં, એટલે બાળકનું નામ સુમતિનાથ રાખવામાં આવ્યું.
જૈન ધર્મનો મૌલિક ઇતિહાસ એક
૧૦૦
