________________
હું એક પણ સંતાનની માતા ન બની શકી.” મહારાજ વિજયસેને રાણી સુદર્શનાને બધી રીતે આશ્વાસન આપતાં કહ્યું કે - “હું ઉચિત ઉપચાર, ઔષધિ આદિ વિવિધ ઉપાયોથી તમારા મનોરથને પૂરો કરવામાં કોઈ કસર રાખીશ નહિ.”
એક દિવસ મહારાજ વિજયસેને બેલે(છઠ્ઠ)ની તપસ્યા કરી કુળદેવીની આરાધના કરી, જેનાથી પ્રસન્ન થઈ કુળદેવીએ રાજાને સ્વપ્નમાં દર્શન આપીને કહ્યું : “તારે ઉદ્વિગ્ન અને નિરાશ થવાની આવશ્યકતા નથી. શીઘ જ તને એક મહાપ્રતાપી પુત્રની પ્રાપ્તિ થશે.” એના થોડા જ દિવસો પછી રાત્રિના અંતિમ પ્રહરમાં મહારાણીએ સ્વપ્નમાં એક કેસરી-કિશોરને એમના મોઢામાં પ્રવેશ કરતો જોયો. મહારાણીના મોઢેથી સ્વપ્નની વાત સાંભળી મહારાજે પ્રસન્ન થઈને કહ્યું: “મહાદેવી! કુળદેવીના કથનાનુસાર તને સિંહના સમાન પરાક્રમી અને પ્રભાવી પુત્રની પ્રાપ્તિ થવાની છે.”
સમય આવતા મહારાણી સુદર્શનાએ એક પરમ તેજસ્વી પુત્રને જન્મ આપ્યો. એને અપાર ખુશી થઈ. રાજ્યભરમાં ઉત્સવ મનાવવામાં આવ્યો. બંદીઓને કારાગારોમાંથી મુક્ત કરવામાં આવ્યા અને લોકોને સમુચિત દાન-સન્માન આદિથી સંતુષ્ટ કર્યા. ઘણા ધામ-ધૂમથી નામકરણ મહોત્સવ આયોજિત કરવામાં આવ્યો અને રાજકુમારનું નામ પુરુષસિંહ રાખ્યું.
રાજસી ઠાઠ-માઠથી રાજકુમારનું લાલન-પાલન થયું. સમય આવતા સુયોગ્ય શિક્ષકો પાસે દરેક પ્રકારની વિદ્યાઓ અને કલાઓની શિક્ષા અપાવી. આ પ્રમાણે દરેક ગુણોથી સંપન્ન રાજકુમારના યુવાવસ્થામાં પ્રવેશ કરવાથી માતા-પિતાએ એમના વિવાહ ઘણા જ હર્ષોલ્લાસપૂર્વક રૂપલાવણ્યવતી અનિંદ્ય સોંદર્યસંપન્ન આઠ સુલક્ષણા રાજકન્યાઓ સાથે કર્યા. રાજકુમાર પુરુષસિંહ બધાં સાંસારિક સુખોનો ઉપભોગ કરીને આમોદ-પ્રમોદપૂર્ણ સુખમય જીવન વ્યતીત કરવા લાગ્યા.
એક દિવસ રાજકુમાર પુરુષસિંહ મનોવિનોદ માટે શંખપુરની બહાર એક સુરમ્ય ઉદ્યાનમાં પહોંચ્યા. ત્યાં એમણે મુનિવૃંદથી પરિવૃત્ત આચાર્ય વિનયાનંદને એક સુરમ્ય સ્થાન પર બેઠેલા જોયા. એમને જોતાં જ રાજકુમારનું હૃદય હર્ષાતિરેકથી પ્રફુલ્લિત થતા રોમ-રોમ પુલકિત થઈ | જૈન ધર્મનો મોલિક ઇતિહાસ 969696969696969696969696969696969] ૧૦૫ |
