Page Text
________________
વડોદરાનાં જિનાલયો
૧૨૧
વર્તમાન શ્રી વર્ધમાનસ્વામી જિનાલયનો સમય સં. ૨૦૩૯નો છે. તે પહેલાં શ્રી સંભવનાથ જિનાલયનો સમય સં. ૧૯૭૦નો છે.
ગામ : કુરાલ તાલુકો : પાદરા ૩૦. શ્રી શ્રેયાંસનાથ જિનાલય (સં. ૧૮૦૦ આસપાસ) પાદરાથી ૨૦ કિ. મી.ના અંતરે કુરાલ ગામમાં બજારમાં મૂળનાયક શ્રી શ્રેયાંસનાથ ભગવાનનું ઉત્તરાભિમુખ, એક શિખરવાળું, સાદા પત્થર અને આરસયુક્ત જિનાલય આવેલ છે.
પાંચ પગથિયાં ચઢતાં નાના નૃત્યમંડપમાં પ્રવેશ થાય છે જયાંથી ૩ બાજુના ૩ પ્રવેશદ્વારથી રંગમંડપમાં પ્રવેશ થાય છે. રંગમંડપમાં સામે ડાબી બાજુના ગોખમાં અનુક્રમે શ્યામ ખંડિત પરિકરમાં પ્રતિમા, ૨ જોડ પગલાં (સં. ૧૮૮૩, સં. ૧૮૦૭), ૧ સફેદ આરસમાં જડિત પ્રતિમા તેમજ જમણી બાજુના ગોખમાં શ્રી જૈન જયોતિષવિદ્યામહોદધિ પ. પૂ. આ. શ્રી જયસિંહસૂરીશ્વરજી મહારાજની આરસની પાદુકા બિરાજમાન છે.
એક ગર્ભદ્વારવાળા ગભારા મધ્ય મૂળનાયક શ્રી શ્રેયાંસનાથ ભગવાનની ૧૫" ની પ્રતિમા સહિત ૫ પાષાણ પ્રતિમાઓ તથા ૧૧ ધાતુ પ્રતિમાઓ બિરાજમાન છે.
' વિ. સં. ૨૦૪૧માં આ જિનાલયનો જીર્ણોદ્ધાર કરવામાં આવેલ છે. દેરાસરની વર્ષગાંઠ તિથિ ફાગણ સુદ ૩ છે જે નિમિત્તે સંઘ તરફથી જમણવાર તેમજ નટવરભાઈ શાહ પરિવાર તરફથી ધ્વજા ચઢાવવામાં આવે છે.
એક જ જૈન કુટુંબ ધરાવતા ગામમાં 100 વર્ષ જુનો કુરાલ જૈન ઉપાશ્રય છે. વિશેષ શ્રી શ્રેયાંસનાથ ભગવાનની પ્રતિમા આશરે ૭00 વર્ષ પ્રાચીન છે.
આ. શ્રી જયસિંહસૂરીશ્વરજી સં. 2000, માગસર સુદ ૬ના રોજ આ ગામમાં કાળધર્મ પામ્યા હતા તેમજ ગામ બહાર તળાવને કિનારે તેમનો અગ્નિસંસ્કાર કરવામાં આવ્યો હતો. તેમનાં પગલાં હાલ ત્યાં છે તેમજ ત્યાં ગુરુમંદિર બનાવવાનું છે.
ઐતિહાસિક સંદર્ભ - સં. ૨૦૧૦માં જૈન તીર્થ સર્વસંગ્રહમાં આ જિનાલયનો ઉલ્લેખ ધાબાબંધી તરીકે થયો છે. ૩ પાષાણ પ્રતિમાઓ તથા ૯ ધાતુ પ્રતિમાઓ હતી. શ્રી સંઘે લગભગ સંવત ૧૮૦૦માં આ દેરાસર બંધાવ્યું હતું. શેઠ મગનલાલ છોટાલાલ તેનો વહીવટ કરતા હતા. દેરાસરની સ્થિતિ સારી હતી.
જિનાલયનો સમય સં. ૧૮૦૦ આસપાસનો છે.
| SR No. | 005604 |
| Book Title | Vadodarana Jinalyo |
| Original Sutra Author | N/A |
| Author | Parulben H Parikh |
| Publisher | Anandji Kalyanji Pedhi |
| Publication Year | 2007 |
| Total Pages | 442 |
| Language | Gujarati |
| Classification | Book_Gujarati |
| File Size | 8 MB |