Aapni Sachi Bhugol

SR No.: 005575
Original Sutra Author: N/A
Author: Ashoksagarsuri
Publisher: Jambudvi Vignyan Research Centre
Total Pages: 48
Language: Gujarati
Classification: Book_Gujarati
File Size: 9 MB

Page 18

વિમાન કે હેલીકોપ્ટરને દશ હજાર માઈલ ચલાવી ખોટો પેટ્રોલનો ખર્ચ કરવાની જરૂરત શી? પણ આવું ક્યારેય બની શકતું નથી કેમ કે પૃથ્વી ફરતી નથી.
આપણે સ્ટીમરના પ્રયોગમાં જોઈ ગયા કે ગુરૂત્વાકર્ષણ નામની કોઈ ચીજ નથી. વળી જો ગુરૂત્વાકર્ષણ નામની ચીજ માનીએ તો ઉપરનું ચિત્ર જુઓ. ગોળાની આસપાસ વિખરાયેલું વાતાવરણ દેખાય છે. તેવી દશા આપણી થાય. કેમ કે જેમ જેમ ઉપર જઈએ તેમ તેમ ગુરૂત્વાકર્ષણનો ફોર્સ ઓછો ઓછો થતો જાય છે. તો નીચે ફોર્સ હોય તેનાથી ઉપરનો ફોર્સ ઓછો, તેનાથી ઉપરનો ઓછો એમ કરતાં કરતાં સાવ ઊંચે ગુરૂત્વાકર્ષણનો ફોર્સ ઝીરો થઈ જાય તો વાતાવરણ વીખરાયેલું અસ્ત-વ્યસ્ત થઈ જાય માટે ગુરૂત્વાકર્ષણની માન્યતા માત્ર કોરી કલ્પના છે. ઝાડ ઉપરથી ફળ નીચે પડ્યું તેથી ગુરૂત્વાકર્ષણ શક્તિની કલ્પના થઈ. ઝાડ જમીન ફાડીને બહાર નીકળ્યું અને ઊંચે વધવા પામ્યું. ત્યાં ગુરૂત્વાકર્ષણ ક્યાં ગયું? ભારતના પ્રખ્યાત વૈજ્ઞાનિક સી.વી. રામને તો જણાવ્યું કે પૃથ્વી સાથે વાતાવરણ ફરતું નથી. જુઓ વૃક્ષ ઉપરથી ફળ પડે છે. અને બીજા છોડવા જમીનથી ઉપર જાય છે.
આ બીજું ચિત્ર જુઓ. વિદ્યાર્થીઓને શીખવવામાં આવે છે કે પૃથ્વી પશ્ચિમથી પૂર્વ તરફ ફરે છે. હવે પશ્ચિમથી પૂર્વ તરફ ફરતી હોય તો આપણે ત્યાં પવન-હવા પૂર્વમાંથી જ આવવી જોઈએ. જેમ ચકડોળમાં બેઠેલા બાળકોના હાથની ધજા ચકડોળ સ્પીડમાં ફરવાથી એક જ દિશામાં દેખાય છે. આપણે અનુભવીએ છીએ કે હવા કોઈ વાર પશ્ચિમની, કોઈ વાર દક્ષિણની અને કોઈક વાર પૂર્વ-ઉત્તરથી પણ આવે છે. મંદિરના શિખર પર રહેલ ધજા ચારે દિશામાં ફરકે છે. તેજ બતાવે છે કે પૃથ્વી ફરતી નથી, નહીં તો ધજા માત્ર પૂર્વદિશાના પવનથી પશ્ચિમ દિશા તરફ જ ઉડત. જેમકે તમો ગાડીમાં બેસી પૂર્વ દિશામાં જતા હો અને તમે તમારો રૂમાલ દરવાજાની બહાર હાથમાં રાખો તો તે રૂમાલ ગાડી જે દિશામાં દોડતી હશે તેનાથી વિરુદ્ધ દિશામાં ઉડશે, આ અનુભવની વાત છે. તેમ પૃથ્વી પશ્ચિમથી પૂર્વ તરફ ગતિ કરતી હોય તો હવા પૂર્વમાંથી આવતી અનુભવાવી જોઈએ પણ તેમ થતું નથી. માટે પૃથ્વી ફરતી નથી, તેમ સરળતાથી સમજી શકાય છે. જુઓ નીચેનું ચિત્ર.
9 Sin Education international
આપણી સાચી ભૂગોળ