Page Text
________________
બંધનકરણ
२७७
जसभद्दो सो सरी, जसं च भदं च निम्मलं पत्तो। चिंतामणिब जेणं, उवलद्धो नाह ! तं सीसो ॥२९॥ सिरिविणयचंदअज्झावयस्स पाया जयंतु विंझस्स । जेसु तुह आसि लीला, गयकलहस्सेव भद्दस्स ॥३०॥ आणंदसूरिपमुहा, जयंतु तुह बंधवा जयप्पयडा । जे तुमए दिक्खविया, सिक्खविया सूरिणो य कया ॥ ३१ ॥ अव्वो अउव्वमेयं, किंपिय तुम्हाण भवियगयकुडुंब !। संसारवल्लरीलूरणम्मि जं गयकुलेण समं ॥३२ ॥ नीसेसं तुह चरियं, सबजियाणंदकारणं चेव । जंतु न नेहो कत्थवि, तं मह हियए खुडुक्केइ ॥ ३३ ॥ मन्नामि सामि ! हिययं, वज्जसिलासंपुडेण तुह घडियं । पडिबंधबंधुरंमिवि, सीसजणे निप्पिवासं जं ॥३४ ॥ जाणिय अणागयं चिय, मरणं संबोहिऊण सीसगणं। गहियाणसणेण तए, उवलद्धाऽऽराहणपडागा ॥३५॥ समुहेण उच्चरंतो, चरिमे समयम्मि अट्ट नवकारे । भणह भणहत्तिपिर, ते धना जेहिं दिट्ठोऽसि ॥३६ ॥ सासो खासो दाहो, तिनिवि रोगा मुणिंद ! तुह खीणा। अणसणपवित्तिसमए, समयं कलुसेहिं कम्मेहिं ॥३७॥ चरमसमएवि सुहगुरु !, वियलत्तं परिहरंतएण तए । सव्वत्थ एगरूवा, गुरुआ सच्चावियं वयणं ॥३८॥ सच्चं सा कसिणच्चिय कत्तियमासस्स पंचमी कसिणा। खेत्तंतरं व सूरो, जीए तं सग्गमल्लीणो ॥ ३९ ॥ एगारस अट्ठत्तर संवच्छरकाल ! पडउ तुह कालो । जससेसं जेण तए, तं मुणिरयणं कयं पाव ! ॥४०॥ हा ! सिद्धंतपियामह !, हा ! माए! ललियकव्वसंपत्ति । हा ! गणियविज्जसहिए, हा ! बंधव तक्कपरमत्थ ।। ४१ ॥ हा ! छंदमुद्धपुत्तय, हा ! हाऽलंकारमज्झलंकारा । हा ! कम्मपयडिपाहुड-माया ! मह भे निसामेह ॥ ४२ ॥
जो आसि मज्ज जणओ, मुणिचंदमुणीसरो विबुहपणओ। सो निग्धिणेण विहिणा, सगंगणमंडणो विहिओ ॥ ४३ ॥ ते अमयजलहिउग्गारसन्निहा कत्य कोमलालावा ? । सुपसत्रनयणअवलोयणाइं ही ताई पुण कत्य ! ॥४४ ।। इय तुज्झ विरहहुयवह-जालावलिकवलिया रुयइ कलुणं । निस्संकं लीलाइय-मणुसरइ सरस्सई-देवी ॥४५ ॥ हा ! चरणलच्छीवच्छे, संपइ वेहबद्धक्खमणुपत्ता । जइधम्मपुत्त ! मज्झवि, संजाओ सामिणा विरहो ॥ ४६ ॥ ही जिणवयणपहावण-कन्ने ! कत्राण दुस्सहं रुयसि । अनिययविहारचरिए !, हुहुत्ति दूहवसि रोयंति ॥४७ ।। इय निययकुडुंबयमाणुसाइं पत्तेयमुल्लविय दीणं । विलवइ चरित्तराओ, ओ ! विरहे तुज्झ मुणिनाह ! ।। ४८ ॥ को मज्झ संपयं सामिसाल ! दाही सिरम्मि करकमलं? । अरुणपहाजणियं सममयं व लच्छीनिवासगिहं ॥४९ ॥ कुवलयदलमालामण-हराए अभयप्पवाहमहुराए। नेहभरमंथराए दिट्ठीऐ पसायभरियाए ॥५०॥ तह ताय ! पलोएही, संपइ को चरणतामरसपणयं । रोमंचंचियदेहं , तुह विरहे माणुसं लोयं ॥५१॥ अइदुग्गमगंथपबय-सिहरोली मज्झ संपयं केणं । तुह वयणवज्जविरहे, भिंदेयब्बा पयत्तेणं ॥५२ ।। अहवा - तुह नाम परममंतं, अहोनिसं मज्झ झायमाणस्स । नाणचरणपहाणा, उल्लसिही मंगलगुणाली ॥५३ ॥ जह आसि मज्झ तुह पायपंकए सामि ! अविरला भत्ती । तब्बसउ च्चिय जम्मंतरेवि तं होज मज्झ गुरू ॥५४ ।। आणंदंसुणिवायं, इय वयणपुरस्सरं विहेऊणं । गुरुभणियकज्जसज्जो, संजाओ देवसूरित्ति ॥५५ ॥
इति कृतिर्देवसूरीणां ।
Jain Education International
For Personal & Private Use Only
www.jainelibrary.org
| SR No. | 005572 |
| Book Title | Karm Prakruti Part 01 |
| Original Sutra Author | N/A |
| Author | Kailashchandravijay |
| Publisher | Rander Road Jain Sangh |
| Publication Year | |
| Total Pages | 550 |
| Language | Gujarati |
| Classification | Book_Gujarati |
| File Size | 14 MB |