Pandav Charitram yane Jain Mahabharat

SR No.: 005571
Original Sutra Author: N/A
Author: Kalpyashsuri
Publisher: Jiravala Parshwanath 24 Tirthankar Trust
Publication Year: 2009
Total Pages: 438
Language: Gujarati
Classification: Book_Gujarati
File Size: 10 MB

Page 300

સર્ગ - ૧૧
રિ૬]
પાંડવ ચરિત્રમ્ મને ચંપાપુરીના અધિપતિ બનાવ્યો હતો. છત્ર, ચામરો વડે કરીને મને રાજ્ય આપ્યું. મેં પણ તેને આ જન્મ સુધી પ્રાણો આપ્યા છે. દુર્યોધને પણ આ કર્ણ મારો ધર્મનો ભાઈ છે, એ પ્રમાણે માન્યું છે. આથી હું આ દુર્યોધનને કેવી રીતે છોડું ? તે ન્યાયથી મૂત હોવા છતાં પણ હું દુર્યોધનના કાર્યમાં આ પ્રાણોને યુદ્ધ મેદાનમાં ત્યાગીશ.”
કહ્યું છે કે - “મિત્રના સ્નેહ વડે લેપાયેલો, યુદ્ધની રજ વડે શોભાયમાન થયેલો, ખગધારા જલ વડે સ્નાન કરાયેલો, ધન્ય બનેલો એવો આત્મા વિશુદ્ધ થાય છે.”
કૃષ્ણ ! યુધિષ્ઠિર સાથે મૈત્રીભાવને વિશે આજ સુધી તે મને કંઈપણ જણાવ્યું નથી. કારણ કે મહાત્માઓ બધાયના હૃદયને જાણનારા હોય છે. પરંતુ માતા કુન્તીને મારા વંદન કહેવા પૂર્વક આ પ્રમાણે કહેજો, તમારા ચાર પુત્રોને નહિ મારૂં, પરંતુ અર્જુનને નહિ છોડું.
કારણ કે બાલ્યકાળથી કોઈપણ પ્રકારથી એ મારો શત્રુ છે. આથી આ અર્જુનને નહિ છોડું. હે માતા ! આથી તારે પાંચ જ પુત્રો રહેશે. કર્ણ હણાતાં અર્જુન તારો પુત્ર થશે અથવા અર્જુન હણાતાં કર્ણ તારો પુત્ર થશે, એ પ્રમાણે તારે પાંચ જ પુત્રો રહેશે.
એ પ્રમાણે હે કૃષ્ણ ! મારી માતાને તારે કહેવું. એ પ્રમાણે કહેતાં કર્ણને પ્રેમપૂર્વક ભેટીને તેને વિદાય આપીને કૃષ્ણ ફરી પાડુરાજાને ઘરે આવ્યા. પાંચ ગામાદિકને માટે થયેલી બધી વાત પાડુરાજાની આગળ કરી. તે સાંભળીને ક્રોધથી લાલ આંખોવાળા પાડુએ કૃષ્ણને કહ્યું : “હે કૃષ્ણ ! કુન્તીના પુત્રો પાંચેય પાંડવોને આ પ્રમાણે કહેજો. જો તમે મારાથી જન્મ લીધો હોય તો કુરુબંધુઓ પર સ્નેહવાળા અને યુદ્ધમાં કાયર થશો નહિ. કહ્યું છે કે, કેશરા વિનાનો જીવતો કેશરી (સિંહ) શું કેશરી કહેવાય છે ? તેવી જ રીતે સંપૂર્ણ રાજ્યને પડાવી લેનારો ભાઈ શું ભાઈ કહેવાય ? તેનો ખરેખર વૈરી જ કહેવાય ? જે વૈરી-દુશ્મન થાય છે, તે છેદ્ય જ છે. વળી હે રાજન્ ! પાંડવં સાથે તમે સહાયક હોવાથી યુદ્ધ જીતવું અત્યંત કઠિન નથી." કૃષ્ણ કહ્યું : “હે રાજન્ ! મારી સાથે તમે પણ આવવા માટે યોગ્ય છો. કારણ કે તમારા પુત્રો તમારા વિયોગથી દુઃખી થઈ રહ્યા છે.” પાડુરાજાએ કહ્યું : “હે કૃષ્ણ! તમારા જેવા સ્વામિ હોવાથી મારા પુત્રોનો વિજય દૂર નથી. હવે મારા પુત્રોને પ્રાપ્ત કરેલા રાજ્યવાળા અને શત્રુઓના સમૂહોનો નાશ જોવાને હું ઇચ્છું છું, બીજું કાંઈ નહિ. હે કૃષ્ણ ! તું જા, જઈને યુદ્ધમાં શત્રુઓને જીતીને પોતાના ભાઈઓને પોતાની રાજ્ય સંપદાને પાછી અપાવ.”
પછી પાર્ટુને પૂછીને ક્રોધથી લાલ થયેલી આંખવાળા કૃષ્ણ તે જ ક્ષણે દ્વારિકા આવી ગયા. દ્વારિકામાં આવેલા કૃષ્ણ એકાંતમાં યુધિષ્ઠિર આદિ ભાઈઓને બોલાવીને પહેલાં હસ્તિનાપુરની બનેલી વાર્તાને કહી. પછી કૃષ્ણના આદેશથી પાંડવોએ સેનાને તૈયાર કરવા માટે તૈયારી કરી.