Vividh Vishay Vicharmala Part 08

SR No.: 005494
Original Sutra Author: N/A
Author: Ratnatrayvijay
Publisher: Ranjanvijay Jain Pustakalay
Publication Year: 2003
Total Pages: 416
Language: Gujarati
Classification: Book_Gujarati
File Size: 6 MB

Page 380

વિવિધ વિષય વિચારમાળા ભાગ-૮ અરે હરામી જીવ? તું ઝેરીલો છે, વેરીલો છે, ખારીલો છે, ખોડીલો છે, ખંધીલો ગંધીલો છે, તંતીલો છે, જંદિલો છે, છતાં સરળ અને પોતાને માર્ગે ચાલતા જીવોની નિંદાવિકથા શા માટે કરે છે? કયા ભવને માટે આવું હડહડતું અસત્ય બોલી તુ સંતો થાય છે? શા માટે તું પરમાં પ્રવેશ કરે છે? તારા નઠારા અપલક્ષણો તરફ તો પ્રથમ દૃષ્ટિપાત કર. પછી બીજાના સન્મુખ જો, અરે મુખ આત્મા? તું તારું સંભાળ. પરમાં દષ્ટિ કરવાથી તારું કંઈ વળવાનું નથી, પરની નિંદા વિકથા ઈર્ષા કરી શા માટે તું તારો વૈરી થાય છે? જે જે કર્મો તું કરીશ તે તારે જ ભોગવવા પડશે, બીજો કોઈ તારો બાપ ભોગવવા નહિ આવે.અરે મલિન ચેતન ! આટલું આટલું કહ્યા છતાં સાન કેમ આવતી નથી ? તે શું દારૂ પીધો છે? તે શું ધતુરો પીધો છે ? તે શું ચંદ્રહાસ પીધો છે ? અરે બેવફુક આત્મા ! તને શું થયું છે કે રાત-દિવસ પરાઈ વાતમાં, પરાઈ નિંદામાં, પરાઈ ઈષ્યમાં, પરનુ બૂરું કરવામાં હાથ પગ ધોઇને લાગ્યો જ રહ્યો છે. ધિક્કાર છે તારા અવતારને, ધિક્કાર છે તારી બુદ્ધિને, ધિક્કાર છે તારી કરણીને કે તું નકામા પાપના પોટલા બાંધવા આ દુનિયામાં પેદા થયો છે. હે દુષ્ટ ચેતન ! ઝેરથી, વેરથી, ઈર્ષ્યાથી, જૂઠથી, છળથી, પ્રપંચથી, વિશ્વાસઘાતથી, નિંદાથી, પ્રપંચ પાપકર્મથી તું અનંતકાળ રખડી મહામુશીબતને મનુષ્ય જન્મ પામ્યો છે. આવી વીતરાગના વચનો વાંચતા સાંભળતા છતાં પણ હજી તારી કુબુદ્ધિ કેમ જતી નથી? દુધપાકના સમાન પરગુણ છોડી નિંદારૂપ ઉચ્છિષ્ટ પદાર્થના ભોજન કરવાની તને કેમ ચાહના થાય છે? અનંતા કાળમાં નર્ક, નિગોદ, તિર્યંચ, કુમાનુષ્ય ગતિના અનિવાર્ય અને ત્રાહિ ત્રાહિ પોકારના દુઃખો તને કેમ મીઠા લાગે છે? અરે અજ્ઞાની જીવ? તું ત્યાગી હો કે સંસારી હો, સ્ત્રી હો કે પુરૂષ હો, સાધુ હો કે સાધ્વી હો, તારી આંખમાં ઝેર વસે છે તો તે આંખને તું પારકાના છિદ્ર જોવા કેમ બંધ કરતો નથી ? પરની અનિષ્ટ વાર્તા સાંભળતાં તું કાનમાં આંગળી કેમ નાખતો નથી? પરના અવર્ણવાદ બોલતા તારી જીભને કબજામાં કેમ રાખતો નથી?
૩૬૩