Vividh Vishay Vicharmala Part 08

SR No.: 005494
Original Sutra Author: N/A
Author: Ratnatrayvijay
Publisher: Ranjanvijay Jain Pustakalay
Publication Year: 2003
Total Pages: 416
Language: Gujarati
Classification: Book_Gujarati
File Size: 6 MB

Page 379

વિવિધ વિષય વિચારમાળા ભાગ-૮ તું અઘોર પાપનો કરનાર છે, અરે ! દુરાચારી પાપિષ્ટ જીવ ! તારી અનંતાનું બંધી ક્રોધ, માન, માયા, લોભની ચોકડી હજુ નાશ પામી નથી, તારું મિથ્યાત્વ ગુણસ્થાન હજી ગયું નથી, હજી તારામાં ધૈર્યગુણ આવ્યો નથી. હજી તારી તૃષ્ણા શાંત થઈ નથી, આકુળ-વ્યાકુળતા તારી મટી નથી, તારા હૃદયમાં દયાનો ગંધ પ્રગટ થયો નથી જેમ દરીઆમાં પાણીના કલ્લોલા ઉછળે છે તેમ તારી તૃષ્ણાના કલ્લોલા ઉછળી રહ્યા છે, તું ક્રિયા કરે છે તે શૂન્ય મને કરે છે, શૂન્ય મને કરેલી ક્રિયા છાર ઉપર લીંપણા જેવી છે, માટે શૈર્ય અને ઉજમાળ મને કરીશ તો લેખે લાગશે, અરે પાપી જીવ ! તારે ખરાબ વસ્તુ ખાવાની બાધા લેવી જોઇએ, ન લે તો પાપ લાગે, અને લઈને ભાંગે તો મહાપાપ લાગે, તે અભક્ષ્ય, અનંતકાય, જરદો, ભાંગ, તમાકું માંસ, મદ્ય, માખણ, મધ, શીયળ વગેરેની બાધા કરીને ભંગ કરેલ છે તો અરે અભાગીઆ, બાપડા પામર જીવ ! તારી શી ગતિ થશે? તેનો તે વિચાર કર્યો ? અરે મોહાંધ જીવ? શા માટે તું પુદ્ગલને માટે વિકલ્પ કરે છે ? આ મારી પારસમણી, આ મારી રસકુંપી, આ મારું રસાયન, આ મારી, જડીબુટી, આ મારી અમૃતગુટી, હું રાજા થાઉં, હું શેઠ થાઉં, શાહુકારથાઉં પાદશાહ થાઉં, સર્વોપરી થાઉં, માન મેળવું, યશ મેળવું, કીર્તિ મેળવું, પૂજનિક થાઉં, શોભનિક થાઉં, પ્રશંસનિક થાઉં, હે પુન્યહીન ? શા માટે ઉપરોક્ત ગોટાળાવાળી આર્તધ્યાનમાં પડે છે ? હે નિર્ભાગી? પુન્ય કરવાની તારી એક પણ ધારણા સફળ થતી નથી, તો પાપ કરવાની તારી ધારણા ક્યાંથી સફળ થશે? તેનો તું વિચાર તો કર, કારણ કે તારું પુન્ય તો બળીને ભસ્મીભૂત થયું છે તેથી તારી ધારણામાં તું શું સફળતા મેળવીશ? તેનો તું વિચાર તો કર, કારણ કે તારું પુન્ય તો બળીને ભસ્મીભૂત થયું છે તેથી તારી ધારણામાં તું શું સફળતા મેળવીશ? તેનો તું ઘડીકવાર ચક્ષુ મીંચીને વિચાર તો કર અરે દુર્ભાગી જીવ? તું પાપી છે છતાં ધર્મિષ્ટ જીવના છિદ્રો શા માટે ખોળે છે? અરે નિભંગી જીવ તું દુરાચારી છે છતાં સદાચારીની નિંદા શા માટે કરે છે?
M૩૬૨૨