________________
વિવિધ વિષય વિચારમાળા ભાગ-૮
ભાવાર્થ : મદ્યપાન કરવાથી ભ્રમ ઉત્પન્ન થાય છે, ભ્રમ થવાથી કર્મબંધન થાય છે, કર્મબંધનથી દુર્ગતિમાં જાય છે, માટે હે મહાનુભાવો! મન, વચન, કાયા, ત્રિવિધ યોગથી સર્વથા પ્રકારે મદ્યનો ત્યાગ કરો.
દારુના પચ્ચખાણ કરનારાઓને વિશેષ ખ્યાલ રાખવાનો છે કે વિલાયતી દવામાં પણ વિલાયતી દારૂ આવે છે, તેની વપરાશ ગામ, નગર, પુર, પાટણ, શહેરાદિકમાં ઘરે ઘરે છે, માટે તેનો પણ બહિષ્કાર કરવો જોઇએ.
જેમ પુરુષ ચતુર છતાં પણ તેના દુર્ભાગ્યના ઉદયથી સ્ત્રી નહીં ઇચ્છતી તેનાથી દૂર રહે છે.
તેમ મદિરાના પાન કરનારા માણસથી બુદ્ધિ પણ દૂર રહે છે, મદિરાનું પાન કરી, પરવશ થએલા પાપી પુરુષો, પોતાની માતાને સ્ત્રીપણે અને સ્ત્રીને માતાપણે માને છે.
મદિરા પાન કરનાર પોતાનું ચિત્ત પરવશ થવાથી, ભ્રમિત થવાથી પોતાને કે પરને તેમજ પોતાના કે પરના પદાર્થોને જાણી શકતા નથી.
મડદાના પેઠે મુખને પહોળું કરી બજારમાં આલોટતા એવા, મદિરાપાન કરનારના મુખમાં વિવરની શંકાથી કૂતરાઓ લઘુનીતિ કરે
છે.
મદ્યપાનના રસમાં મગ્ન થએલો માણસ, નગ્ન થઈ બજારમાં સૂવે છે, અને લીલામાત્રમાં પોતાનો ગુપ્ત અભિપ્રાય પણ લોકો સમક્ષ પ્રગટ કરી દે છે.
જેમ ચિત્રવિચિત્ર મહેલોની રચના, કાજળ લગાવવાથી નષ્ટ થઈ જાય છે, તેમજ મદ્યપાન કરનારની કીર્તિ, કાંતિ, બુદ્ધિ, લક્ષ્મી નષ્ટ થઈ જાય છે.
મદિરાપાન કરનાર ભૂત વળગેલાની પેઠે નાચે છે, કૂદે છે, શોક સહિત હોય તેમ પોકાર પાડે છે અને દાહ જવર થયો હોય તેમ પૃથ્વી પર લોટે છે.
મદિરા હળાહળ વિષની પેઠે અંગને શિથિલ કરે છે અને ઇંદ્રિયોને
૧૬૩
Jain Education International
For Personal & Private Use Only
www.jainelibrary.org
