Page Text
________________
વિવિધ વિષય વિચારમાળા ભાગ-૮ ધર્મના અવિરોધપૂર્વક, ઉદ્યમ-વ્યાપાર કરવો. પછી ફરીથી મધ્યાન્ડકાળે, જિનપૂજા કરી ભોજન કરવું, ત્યારબાદ શાસ્ત્રના જાણકારો પાસે જઈ શાસ્ત્રોના રહસ્યોની વિચારણા કરવી. પછી સંધ્યા વખતે ફરીથી દેવાર્ચન કરી, આવશ્યક પ્રતિક્રમણ કરવું પછી ઉત્તમ પ્રકારે સઝાય ધ્યાન કરવું, ત્યારબાદ રાત્રિએ યોગ્ય સમયે, દેવગુરુધર્મના સ્મરણપૂર્વક પવિત્ર થઈ અલ્પનિદ્રા કરવી. પ્રાયઃ કરી બ્રહ્મચર્યનું પ્રતિપાલન કરવું. વચ્ચે જો નિદ્રા ઊડી જાય તો, સ્ત્રીઓના બિભત્સ અંગોપાંગોનું ચિંતવન કરવું, મહાત્મા પુરુષોએ, જેનાથી નિવૃત્તિ કહીને તેનો વિચાર કરવો, સ્ત્રીનું શરીર મળ, મુત્ર વિષ્ટા, મજ્જા, શ્લેષમ, અસ્થિ, રુધિર,તેમજ માંસની ગ્રંથીઓથી ભરપૂર છે. સ્નાયુથી સીવેલથેળી સમાન છે, જો સ્ત્રીના શરીરના ઉપરના ભાગને અંદર અને અંદરના ભાગને બહાર ઉપર ભાગને વિષે કરવામાં આવે તો દરેક કામી પુરુષોને, શીયાલ અને ગીધ વિગેરેથી તેના શરીરનું રક્ષણ કરવું પડે.
જો કામદેવ સ્ત્રીરૂપ શસ્ત્રથી, જગતને જીવવાની ઇચ્છા કરતો હોય, તો તે મૂઢ બુદ્ધિવાળો હલકા પીંછાં શસ્ત્ર શા માટે રાખતો નથી. અહો ! અહો ! સંકલ્પથકી જ ઉત્પન્ન થનારા રામદેવે, આ વિશ્વને બહુ જ વિડંબિત કર્યું છે, પરંતુ દુઃખનું મૂળ સંકલ્પ છે આવી વિચારણા કરવી અને જે જે બાધકકારી દોષો હોય તેનો પ્રતીકાર ચિંતવવો, તેમજ તેવા દોષોથી મુક્ત એવા મુનિઓને વિષે હર્ષ કરવો. સર્વ જીવોને વિષે રહેલી મહાદુખકાર ભવ-સ્થિતિને વિષે વિચાર કરી, સ્વભાવથી જ સુખકારક સુખદાયક એવા મોક્ષમાર્ગનો શોધ કરવો, જેમાં જિનેશ્વરદેવ, દયા ધર્મ અને મુનિઓ ગુરુ છે, તેવા શ્રાવકધર્મની કયો પંડિત પુરુષ પ્રશંસા નહી કરે.
વળી ઉત્તમ જીવોએ તે વખતે નીચે પ્રકારના મનોરથોનું ચિંતવન કરવું કે હું જૈન ધર્મ રહિત, ચક્રવર્તી પણાને પણ ઇચ્છતો નથી, પરંતુ જૈનધર્મ સહિત, દરિદ્રપણું અગર કિંકરપણુ હોય તેને પણ શ્રેષ્ઠ માનું
૧૬
Jain Education International
For Personal & Private Use Only
www.jainelibrary.org
| SR No. | 005494 |
| Book Title | Vividh Vishay Vicharmala Part 08 |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2003 |
| Total Pages | 416 |
| Language | Gujarati |
| Classification | Book_Gujarati |
| File Size | 6 MB |