Karmgranth 01 and 02 Prashnottari

SR No.: 005270
Original Sutra Author: N/A
Author: Narvahanvijay
Publisher: Padarth Darshan Trust
Publication Year: 1993
Total Pages: 172
Language: Gujarati
Classification: Book_Gujarati
File Size: 7 MB

Page 37

ભાવાર્થ :
- ચક્ષુદર્શન, અચક્ષુદર્શન, અવધિદર્શન અને કેવલદર્શન એ ચાર સામાન્ય ઉપયોગ (સામાન્ય બોધવાળા હોવાથી દર્શન કહેવાય છે. તેનું જે આવરણ કરનાર કમ તે દર્શનાવરણીય કર્મ કહેવાય છે.
પ્ર. ૨૦૫. ચક્ષુ કોને કહેવાય? “ઉ.: જોવા માટેની દ્રષ્ટિ (આંખ) તે ચક્ષુ કહેવાય છે. પ્ર. ૨૦૬. અચક્ષુ કોને કહેવાય ?
ઉ. ચક્ષુ સિવાયની બાકીની જે ઈન્દ્રિયો (સ્પર્શેન્દ્રિય, રસનેન્દ્રિય, ઘ્રાણેન્દ્રિય અને શ્રોત્રેન્દ્રિય) એ ઈન્દ્રિયોને અચક્ષુ કહેવાય છે.
પ્ર. ૨૦૭. દર્શન એટલે શું? અને તે કર્મ ક્યારે કહેવાય ?
ઉ.: આગમોમાં દર્શન એટલે સામાન્ય ઉપયોગ કહેવાય છે. પદાર્થોના વિશેષ આકારોને જે જાણે નહિ. સામાન્ય અને જે જાણે તે દર્શન કહેવાય છે. કહ્યું છે કે
જે સામનગહણ, ભાવણે નેવ કટ્ટ આગાર | અવિસેસિણિ અર્થે, દંસણમિય વચ્ચએ સમએ ૧ . તેનું જે આવરણ કરનાર કર્મ હોય છે તે દર્શનાવરણીય કર્મ કહેવાય છે. પ્ર. ૨૦૮. ચાર. એ દર્શનાવરણીય કર્મ કેટલા પ્રકારે છે ?
ઉ. : (૧) ચક્ષુ દર્શનાવરણીય (૨) અચક્ષુ દર્શનાવરણીય (૩) અવધિ દર્શનાવરણીય અને (૪) કેવલ દર્શનાવરણીય કર્મ.
પ્ર. ૨૦૯, ચક્ષુ, દર્શનાવરણીય કર્મ કોને કહેવાય ?
ઉ. ચક્ષુ વડે સામાન્ય રૂપનું જે ગ્રહણ થાય છે (રૂપના સામાન્યને જાણે છે) તેને આવરે તે ચક્ષુ દર્શનાવરણીય કર્મ કહેવાય છે.
પ્ર. ૨૧૦. અચકું દર્શનાવરણીય કર્મ કોને કહેવાય ?
ઉ. સ્પર્શેન્દ્રિય, રસનેન્દ્રિય, ઘ્રાણેન્દ્રિય તથા શ્રોત્રેન્દ્રિય વગેરે ચાર ઈન્દ્રિયોના તથા મનના ક્ષયોપશમ ભાવને આવરણ કરે એટલે કે તે પાંચ વડે જ સામાન્ય બોધ થાય તેને આવરે તે અચક્ષુ દર્શનાવરણીય કર્મ કહેવાય છે.
પ્ર. ૨૧૧. અવધિ દર્શનાવરણીય કર્મ કોને કહેવાય ?
ઉ.: અવધિજ્ઞાન પેદા થતાં પહેલા સામાન્ય જે જ્ઞાન થાય છે તેનું આવરણ કરનાર કર્મ તે અવધિ દર્શનાવરણીય કર્મ કહેવાય છે.
પ્ર. ૨૧૨. કેવલ દર્શનાવરણીય કર્મ કોને કહેવાય?
ઉ.: સંપૂર્ણ વસ્તુ તત્વનો જે વિશેષ બોધ હોય તેમાં જે સામાન્યાસને ગ્રહણ કરે તે કેવલ દર્શન કહેવાય છે. તેનું આવરણ કરનાર કર્મ તે કેવલ દર્શનાવરણીય કર્મ કહેવાય છે.
30