Karmgranth 01 and 02 Prashnottari

SR No.: 005270
Original Sutra Author: N/A
Author: Narvahanvijay
Publisher: Padarth Darshan Trust
Publication Year: 1993
Total Pages: 172
Language: Gujarati
Classification: Book_Gujarati
File Size: 7 MB

Page 102

પ્ર. ૬૪. દુર્લભ બોધિ જીવોમાં કેટલા મિથ્યાત્વ ઘટે ? ઉ. : દુર્લભ બોધિ જીવોમાં ચારેય મિથ્યાત્વ ઘટે છે. પ્ર. ૬૫. બીજી રીતે મિથ્યાત્વના કેટલા પ્રકારો કહ્યા છે ?
ઉ.: બીજી રીતે અનેક, જીવાશ્રયીને મિથ્યાત્વના કાળની અપેક્ષાએ ચાર ભેદો કહેલા છે. (૧) અનાદિ અનંત (૨) અનાદિ સાંત (૩) સાદિ અનંત (૪) સાદિ સાંત.
પ્ર. ૬૬. અનાદિ અનંત-મિથ્યાત્વ કયા જીવોને હોય ?
ઉ. : અનાદિકાળથી મિથ્યાત્વ છે, અને અનંતકાળ સુધી મિથ્યાત્વ રહેવાનું હોય તે અનાદિ અનંત મિથ્યાત્વ કહેવાય છે. તે જાતિ ભવ્ય જીવોને તથા જે જીવો અભવ્ય છે પણ કદી અવ્યવહાર રાશીમાં આવવાના નથી તે જીવોને અનાદિ અનંત મિથ્યાત્વ હોય છે.
પ્ર. ૬૭. અનાદિ સાત મિથ્યાત્વ કોને કહેવાય અને તે કયા જીવોને હોય છે ?
ઉ. : જે મિથ્યાત્વ અનાદિ કાળથી છે અને તેની સંખ્યાતા-અસંખ્યાતા યા અનંતા ભવે પણ ક્ષય થવાનો હોય તે અનાદિ સાત મિથ્યાત્વ કહેવાય છે. આ મિથ્યાત્વ દુર્ભવ્ય જીવોને, ભારેકર્મી ભવ્ય જીવોને તથા લઘુકર્મી ભવ્ય જીવોને હોય છે.
પ્ર. ૬૮. સાદિ અનંત મિથ્યાત્વ કોને કહેવાય અને તે કયા જીવોને
હોય છે ?
ઉ. : જે મિથ્યાત્વની સાદિ થયેલ હોય ત્યાર પછી અનંતકાળ સુધી રહેવાનું હોય તેને સાદિ અનંત મિથ્યાત્વ કહેવાય છે. આ મિથ્યાત્વ કોઈ જીવોને હોતું નથી.
પ્ર. ૬૯. સાદિ સાત મિથ્યાત્વ કોને કહેવાય અને તે કયા જીવોને હોય છે ?
ઉ. : જે જીવો મિથ્યાત્વનો ઉપશમ કે ક્ષયોપશમ કરી ઉપશમ કે ક્ષયોપશમ સમીકીત પામ્યા હોય પછી મિથ્યાત્વ ગુણસ્થાનકને પ્રાપ્ત કરેલ હોય તે જીવોને સાદિ મિથ્યાત્વ કહેવાય છે. અને તેનો અંત અવશ્ય હોય છે માટે તે સાંત કહેવાય છે. આ સાદિ સાંત ભાંગાને વિષે લઘુકર્મી જીવો તથા દુર્લભબોધિ જીવો એમ બે પ્રકારના હોય છે.
પ્ર. ૭૦. લૌકિક મિથ્યાત્વ કોને કહેવાય ?
ઉ. : દુન્યવી નાશવંતા સુખ મેળવવા-ભોગવવા-સાચવવા તથા કાયમ ટકાવી રાખવા ઈતર દેવ-દેવીઓની માનતા વગેરે કરી પૂજવા તે લૌકિક મિથ્યાત્વ કહેવાય છે.
પ્ર. ૭૧. લોકોત્તર મિથ્યાત્વ કોને કહેવાય ? ઉ.: દુન્યવી નાશવંતા પદાર્થો મેળવવા-ભોગવવા, ટકાવવા અને કાયમ પાસે
૯૩