________________
૬૨
પ્રેમ-પંક
કેવી રીતે પછાડો ખાઈને કે પડખાં ઘસીને વીતી છે. મૅડમે હવે છેવટનો નિશ્ચય કરી લીધો : આ માણસને અત્યારે જ કોઈના અંતરની હૂંફની ખાસ જરૂર છે! મૅડમમાં રહેલું માતૃત્વ જાણે પોકારી ઊઠયું. હવે કશી ગડભાંજની જરૂર જ જાણે ન રહી! મા કદી પ્રેમ કરતી વખતે સામો જવાબ કેવો મળશે તેની ફિકર કરે છે?
તે તરત ઊઠીને ઊભી થઈ અને કુકે પાસે પહોંચીને બોલી, “તમે આજે સવારના મને લખ્યું હતું કે, હું તમને ભૂલવાની શરૂઆત કરવા લાગી છું અને છેવટના કેટલાય વખતથી હું તમને મળી નથી; એટલે તમે માની લીધું કે, હું તમને યાદ પણ નહીં કરતી હોઉં! હું તમારી તે ભૂલ સુધારવા આવી છું. અને હું તમારી આંખમાં અત્યારે શું વાંચી શકું છું તે જાણો છો?”
“શું વાંચી શકો છો, કહો જોઉં?” ફુંકેએ નવાઈ પામી પૂછ્યું; કારણ, મૅડમ તરફથી આવો અંતરનો ઉમળકો આજ સુધી તેને કદી જોવાજાણવા મળ્યો ન હતો.
“હું સ્પષ્ટ જોઈ શકું છું કે અત્યારે તમે મને જેવી ચાહો છો, તેવી તમે કદી મને ચાહી નથી. તે જ પ્રમાણે તમેય સ્પષ્ટ જોઈ શકતા હશો કે, હું તમને કદી ભૂલી નથી.”
ફુકેની આંખો અચાનક આનંદના એક વિચિત્ર પ્રકાશથી ચમકી ઊઠી. તે બોલ્યો, “તમે ખરેખર દેવદત છો, અને કોઈ માણસ તમારા ઉપર શંકા લાવી શકે જ નહિ. બહુ બહુ તો તે તમારી સમક્ષ ઘૂંટણિયે પડી તમારી ક્ષમા જ યાચી શકે.”
કુકે ઘૂંટણિયે પડવા જ જતો હતો તેને રોકીને મૅડમે પોતાની પાસે બેસાડી દીધો. “બોલો, હમણાં તમારા મનમાં થઈને એક ખરાબ વિચાર પસાર થઈ ગયો કે નહિ?”
66
“તમને શી રીતે ખબર પડી, મૅડમ ?”
Jain Education International
For Private & Personal Use Only
F
www.jainelibrary.org