________________
૬૦
પ્રેમ-પંક
ફ્રાંક વધુ ઊપજે. પરંતુ મૅડમે તેને તે ફિકર ન કરવા જણાવ્યું. ઝવેરીએ તો પણ છેવટે એટલું તો કહ્યું, “મૅડમ, મારો નફો આ બધામાં પચાસ હજાર ફ઼ાંક થશે.” મૅડમે જવાબમાં તેનો આભાર માન્યો.
પછી કોઈને વહેમ ન જાય તે માટે મૅડમે ઝવેરીની ઘોડાગાડીમાં જ નાણાંની પેટા રખાવી, અને પોતે તેને ત્યાંથી જ, તેની ઘોડાગાડીમાં જ્યાં જવું હશે ત્યાં જશે એવી વ્યવસ્થા કરી. તે પ્રમાણે મૅડમ તેની ઘોડાગાડીમાં નાણાં સાથે સેંટ માંદેવાળા મકાને આવી પહોંચી. તે મકાનની ચાવી મૅડમ પાસે પણ હતી. વાચક જાણે છે કે, તે મકાન ભૂગર્ભ-માગે ફુકેના મહેલ સાથે જોડાયેલું હતું; તથા અમુક અરીસાઓ ઉપરની ઠેસીઓ ફેરવવાથી ફુંકેના ખાનગી કમરામાં પોતે આવ્યાની જાણ કરી શકાતી.
મૅડમે ચાવી વડે બારણું ઉઘાડી, પૈસાની પેટી ઉપર લેવરાવી. પછી કોચમૅન અને ઝવેરીના માણસ ચાલ્યા ગયા. અટલે તેણે બારણું અંદરથી બંધ કર્યું. મકાનમાં બધી સામગ્રી તૈયાર જ હતી — અલબત્ત, કોઈ માણસ ત્યાં હતું નહિ.
દીવો પોતાને હાથે સળગાવી મૅડમ ત્યાં બેઠી, અને એ નાણાં કેવી રીતે અપાય તો કુકે સ્વીકારે, એનો વિચાર કરવા લાગી. કારણ કે, કુકે પ્રાણ જવાના થયા હોય તો પણ એવી મદદ કોઈની પાસેથી ન સ્વીકારે, એ તે બરાબર જાણતી હતી. તેમાંય પોતે તદ્દન ઉઘાડી થઈને—પોતાનું બધું જરઝવેરાત અને સોનાચાંદીનાં વાસણ વેચીને આણેલાં આ નાણાં કુકે જેવો દિદાર માણસ ઝટ સ્વીકારી લે એ તો અશકય હતું. તે માત્ર તેના પ્રેમનો યાચક હતો. અને અત્યાર સુધી મૅડમે તેને એ વસ્તુ જ આપી ન હતી! ફુંકે કદી આ નાણાં સ્વીકારે, તો તે તેના સ્વાર્પણના પ્રતીક રૂપે ! પરંતુ તે જ ઘડીએ મૅડમ બેલિયેરને એક કઠોર સંશય કાંટાની પેઠે ખૂંચવા લાગ્યો : ‘કુકે શું ખરેખર તેને ચાહે છે? ફુંકે જેવો ચંચળ પ્રકૃતિનો માણસ સ્વર્ગની દેવીને પણ સ્થિર ભાવે પ્રેમ કરી શકે? કુકે મહાપ્રજ્ઞ માણસ હતો, અને ઉદાત્ત હૃદયનો માણસ હતો; તેથી તેનું
Jain Education International
For Private & Personal Use Only
www.jainelibrary.org