________________
૩૮
પ્રેમ-પંક પણ જો હું વનમાં છું એટલું તમે જાણતા જ હતા, તો પછી તમે ઍ૦ કુકેને બીજું શું પૂછવા માગતા હતા?”
બેઇઝમૉ હવે તદ્દન ગેગેફેંફે થઈ ગયો. તેણે ગભરાતાં ગભરાતાં એટલું જ પૂછ્યું, “મારી કંઈ ભૂલ થઈ છે, લૉર્ડ? તો મને ક્ષમા આપો.”
ઍરેમીસે જોયું કે, હવે આથી વધારે તેને સતાવવો ઠીક નથી; એટલે તેણે એ વાત ત્યાંથી પડતી મૂકી; પણ તેણે મન સાથે ગાંઠ તો વાળી જ રાખી કે, આ બધામાં ભેદ જરૂર છે; અને હું વનનો બિશપ છું એ ખબર પણ બેઇઝમને શી રીતે પડી, તથા મોં૦ કુકેને ત્યાં મારું ઠામઠેકાણું મળશે એવું પણ બેઇઝમૉએ શાથી ધારી લીધું, એ વાતની તપાસ તો કરવી જ પડશે. પણ તેણે હસતાં હસતાં કહ્યું, “અરે એમાં વળી ભૂલ શું ને ના-ભૂલ શું? પણ હવે આપણે આપણો હિસાબ ચૂકતે કરી લઈએ.”
“પણ, લૉર્ડ, આજે તમે મારી સાથે નાસ્તો લેશો કે નહિ, એ મને પ્રથમ કહી દો.”
“ઘણી ખુશીથી.” બેઇઝમૉએ પાસેનો ઘંટ ત્રણ વખત વગાડયો.
“તો હવે આજનો હપતો ભરી દઈએ, એટલે પછી તમારે ત્રાંબલે અને લુવિયેરનું કશું દેવું બાકી નહિ રહે, કેમ? પણ આ ત્રણ વર્ષ દરમ્યાન તમને કશી બચત થઈ હશે કે નહિ?”
ના રે ના, લૉર્ડ; પચાસ હજાર દર વર્ષે આપી દઉં એટલે કશું જ ન બચે. ગઈ કાલે સાંજે જ મારે મેં૦. દાન સાથે એ બાબત ચર્ચા થઈ હતી, અને તેમના જેવા પક્કા ગણતરીબાજ માણસને પણ કબૂલ કરવું પડ્યું કે, મારી પાસે કશું જ ન બચે.”
ઍરેમીસ તરત સમજી ગયો કે, બેઇઝમૉની પોતા અંગેની બધી માહિતીનું મૂળ શું છે! પણ તેણે મ ઠાવકું રાખી પૂછ્યું, “મારા જૂના મિત્ર દાડૅનને તમે મળ્યા હતા, શું? તેમની તબિયત કેમ છે વારુ?” -- “ઘણી સારી છે, લૉર્ડ.”
Jain Education International
For Private & Personal Use Only
www.jainelibrary.org