________________
પ્રેમ-પક
૩૬૩ ડયૂક તમારી આ વાત જાણે છે?” “કોઈ નથી જાણતું.” “તો પછી તમે મને કેમ કહ્યું? મને જવાબ આપો.” “હું જવાબ નહીં આપી શકું.”
“પણ હું કલ્પી શકું છું- તમે હવે જાણ્યું કે, હું ડયૂકને ચાહતી નથી; અને કદાચ તમને ચાહું છું. માત્ર થોડા દિવસની મજા ખાતર પણ મારો પ્રેમ સ્વીકારવાની નાલાયકી તમે બતાવી શકો એમ નથી; તમે એટલા ખાનદાન હૃદયના છો. એટલે તમે મને તરત કહી દીધું કે, મારું હૃદય મેં ફ્રાંસમાં રાખ્યું છે.’ તમારો આભાર માનું છું, મેં૦ દ બ્રાજલૉન; બીજા જેને અનુપમ સુંદરી ગણે છે, તેવી સ્ત્રીનો પ્રેમ તમને સામેથી મળતો હોવા છતાં, તમે સાચી ખાનદાની દાખવી છે. તમારા પ્રત્યેનો મારો ભાવ તેથી ઊલટો વધી ગયો છે. પણ તમે મને તમારી અંતરંગ મિત્ર ગણીને હવે કહો કે, તમે છેલ્લા ચારેક દિવસથી ખિન્ન શા માટે થઈ ગયા છો?”
રાઓલ આ અદ્ભુત યુવતીનો પોતા માટેનો આ ભાવ જોઈને ગદ્ગદિત થઈ ગયો. પણ કંઈ બોલ્યો નહિ.
મેરીએ જ હવે ઉમેર્યું:
“મેંશ્યોર, મારી ઉપર દયા લાવો; મારી મા ફ્રાંસમાં જન્મી હતી, અને મારી નસોમાં ફ્રેંચ લોહી વહે છે. અને તેથી મારી ભાવનાઓ પણ ફેંચ લોકો જેવી જ છે. તમારા પ્રત્યે જે નિકટ સખ્યભાવ મેં દાખવ્યો છે, તેનું કારણ એ જ છે કે, મારું લોહી જ તમારી વેદના જોઈને તપી આવે છે. માટે તમારો હાથ મને મારા હાથમાં લેવા દો, અને મને તમારી પ્રિય મિત્ર ગણીને તમારા અંતરનું દુ:ખ જણાવો.”
“તો શું તમે મનથી-અંતરથી ફ્રેંચ છો, ખરું?”
હા, હા, મારી માતા ફ્રેંચ જ હતી, પણ મારા પિતાય રાજા ચાર્લ્સ-૧ના મિત્ર તરીકે ફ્રાંસમાં જ દેશનિકાલ થઈને રહ્યા હતા. રાજા ચાર્લ્સ-૨ના પુન: રાજ્યારોહણ પછી તે ઇંગ્લેંડ પાછા ફર્યા, પણ તરત
Jain Education International
For Private & Personal Use Only
www.jainelibrary.org