________________
ત્રણ કોકડાં
૨૫૧ તે કોઈના ઘરમાંથી પકડાયો હતો, પણ તે ઘરમાં એ ચોરી કરવા નહિ પણ પ્રેમ કરવા પેઠો હતો.
બંદીવાન સૈનિકે જેલના સૈનિકને પાસે થઈને જતો જોઈ, તરત તેને પોતાનો બિરાદર જાણી, પોતાને આ પોલીસનાં યોગ્ય રીતે સન્માન સાથે લઈ જાય તેમ કરવા તેની મદદ માગી. અને ફ્રેંચ સૈનિકને ઉપદેશસલાહ આપવાની આવે તો તે પાછી પાની કરે જ નહિ. એટલે પેલો જેલનો સૈનિક તરત જ પોલીસોને તેમ જ પેલા બંદીવાનને યોગ્ય શિખામણ આપવાના કામમાં પડ્યો. તે જ ઘડીએ દાનએ ભીડમાં જેલના સૈનિકની પાસે ધસી જઈ, તેના કમરપટ્ટામાંથી કોઈ ચાલાક ખીસાકાતરુની જેમ પેલું પરબીડિયું ખેંચી લીધું. થોડેક પાસે એક ઘરના થાંભલાની આડમાં જઈ તેણે ઉપરનું સરનામું જોયું, તો “મેંશ્યોર દુ વાલ, શ્યોર ફુકેને ત્યાં, સેં-માંદ –” એમ લખેલું હતું. તેણે કવર સીધું ફાડ્યા વિના પગ નીચે રોળાચોળમાં જ સહેજ ફાટી ગયું હોય તેમ વચ્ચેથી ફાડીને અંદરનો કાગળ કાઢીને વાંચ્યો તો અંદર લખ્યું હતું –
વહાલા શ્યોર દ વાલો – તમે મોંશ્યોર દર્બ્સને મહેરબાની કરી જણાવજો કે, તે બાસ્તિલ આવ્યો હતો અને પૂછપરછ કરતો હતો.
– તમારો દ બેઇઝમાં” દાનો રાજી થઈ ગગણ્યો, “વાહ, વાહ! બધું સમજાઈ ગયું; પૉર્થો ભાઈ પણ સાથે સામેલ છે.”
પછી પેલા કાગળને પરબીડિયામાં ઘાલી દઈ, કોઈ જુએ નહિ તેમ, તેને થોડે દૂર જમીન ઉપર નાખી, દાન દૂર ખસી ગયો. પેલો જેલનો સૈનિક બધું ધાંધલ પતાવી, આગળ ચાલવા માંડ્યો. પણ પછી પટ્ટા ઉપર હાથ મૂકતાં જ સમજી ગયો કે કાગળ ત્યાં નથી! તેના હોસકોસ છેક જ ઊડી ગયા. નોકરી તો ગઈ જ! પણ બીજીય શી સજા થાય તે શું કહેવાય?
પછી તે પાછો વળી આમતેમ નજર કરવા લાગ્યો, તો થોડે દૂર પેલું પરબીડિયું જોઈને રાજી થતો તેના તરફ દોડ્યો. પરબીડિયું ગૂંથાઈ
Jain Education International
For Private & Personal Use Only
www.jainelibrary.org
