________________
૧૫૬
પ્રેમ-પંક તો ભલે તેમને અંદર આવવા દો.”
ઍરેમીસે અંદર આવી રાજાજીને ધન્યવાદ અર્યા, પરંતુ રાજા તેના મોં સામે તીવ્રતાથી જોઈ રહ્યો.
“તો તમે વૉનના બિશપ છો, ખરું?” “હા, સરકાર.” “વન તો બ્રેતાનમાં આવ્યું ને? લગભગ દરિયાકિનારા નજીક જ.” ઍરેમીસે સંમતિસૂચક નમન કર્યું. “બેલ-ઇલથી થોડા ગાઉ, કેમ?” “અઢાર ગાઉ, સરકાર.” તો તો બેલ-ઇલથી એકાદ પગલા જેટલું જ દૂર ગણાય, ખરું?”
અમો ગરીબ બ્રેતાનો માટે તો એટલું અંતર ઘણું જ મોટું ગણાય, સરકાર. ઉપરાંત, નદીથી બેલ-ઇલ વચ્ચે અઢારેક ગાઉ જેટલો દરિયો છે, પાછો.”
“મ0 કુકેનું ત્યાં બહુ સારું મકાન છે, એમ મેં સાંભળ્યું છે.”
હા, સરકાર, મેં પણ સાંભળ્યું છે.”
રાજાએ હવે કુકે તરફ ફરીને કહ્યું, “વાહ, તમારી જાગીરમાં જ વનના ધર્માસન ઉપર મોં દબ્લે જેવા માણસ હોય, અને તમે તમારું બેલ-ઇલ તેમને બતાવ્યું જ ન હોય, એ બહુ નવાઈની વાત છે.”
સરકાર,” બિશપ વચ્ચે જ બોલી ઊઠ્યો; “અમો ગરીબ બ્રેતાન પાદરીઓને અમારું સ્થળ છોડી બહાર નીકળવાનો વખત જ રહેતો નથી.”
તો તો તમને એવા ગરીબ રાખવા બદલ મારે મોંકુકેને સજા કરવી પડશે; પણ ઠીક, વનની આવક કેટલી છે?”
સાઠેક હજાર લિવ, સરકાર,” ઍરેમીસે જવાબ આપ્યો.
ઓહો, એ તો બહુ ઓછી આવક કહેવાય; હું તમને તેના કરતાં વધુ સારે સ્થળે ગોઠવી આપીશ.”
ઍરેમીસે નમન કર્યું. રાજાએ પણ સામું નમન કર્યું. એનો અર્થ એ થયો કે, એ મુલાકાત પૂરી થઈ.
Jain Education International
For Private & Personal Use Only
www.jainelibrary.org