________________
૧૧૮
પ્રેમ-પક બનેલો માનશે; તું કહે છે તે પ્રમાણે એ પતનથી તે મારી ધૃણા કરતો નહિ થઈ જાય.’
પણ ઇઝા, એ બધી તારી ડાહી વાતો તો ઠીક, પણ બિચારો રાઓલ દ બ્રાજલૉન તારી આગળ ઘૂંટણિયે પડીને તારા હૃદયની યાચના કરે છે, છતાં તું કેમ તેને અવગણે છે?” માંતાલેએ પૂછ્યું.
અરે, લુઈઝા ગમે તેવા શબ્દો વાપરે, પણ તે આપણા સૌ કરતાં મોટી અને વધુ ભયંકર ચપળા છે, અને પુરુષોને કેમ રગરગાવવા એ બરાબર જાણે છે,” તૉને શારત બોલી; “પણ સખી, આજ તું અમને સાચેસાચું કહી દે કે, તું નર્યા હૃદયની ભરેલી છે, તો બાર બાર વર્ષથી એ રાઓલ બિચારા પ્રત્યે આટલી બધી ક્રૂર શી રીતે થઈ શકે છે?”
પણ તમે લોકો શા માટે માની લો છો કે, હું તેને પ્રેમ કરું છું?” “શું, તું રાઓલને પ્રેમ નથી કરતી?”
હજુ મેં કોઈને પ્રેમ કર્યો જ નથી; જાણે હજી હું પ્રેમ કરવા માટે ઉંમરલાયક જ નથી બની.”
“લુઇઝા, લુઇઝા, ઠીક છે કે બિચારો રાઓલ અહીં હાજર નથી; તે હાજર હોય ત્યારે જે આમ બોલી બેસતી! તે બિચારો પ્રાણ પટકી નાંખશે. તું તો અમો બંને કરતાં પણ વધુ ક્રૂર-ઘાતકી હોય એમ લાગે છે. હું અને તૉને શારત ભલે ગમે તેમ બોલીએ, પણ મૅ૦દ મતસ્પા જો આ મારી સખીને ચાહવાનું બંધ કરે, તો મારી સખી માથું પકટી નાંખે, અને હું પણ માલિકૉનને ગમે તેટલો ટટળાવતી હોઈશ, પણ વચ્ચે વચ્ચે તેને મારા હાથ ઉપર ચુંબન કરવા દેવા જેટલો સધ્યારો તો આપતી રહું છું; ત્યારે તું તો નરી લોહીતરસી રાક્ષસી જ છે!”
“મૂરખ, મૂરખ!” લુઇઝા ગણગણી.
તો શું તું બિચારા મોંવદ બ્રાજલૉનને જરા પણ નથી ચાહતી?” તૉને શારત પૂછી બેઠી.
અરે, સખી , એ પંચાત મૂકીને મારી એક સલાહ છે તે સાંભળી લે. જો ઍ૦ દ બાજલૉન કદી પણ આની પકડમાંથી છૂટા થાય,
Jain Education International
For Private & Personal Use Only
www.jainelibrary.org