Page Text
________________
718
તપાગચ્છાધિષ્ઠાયક
"પગપાળા પ્રવાસ કરીને શ્રી સિદ્ધાચળનાં દર્શન-વંદન કરવાનો આપની પાસે અભિગ્રહ ધારણ કરીને આ સ્થળે આવતાં ચોર-લૂંટારાઓએ દ્રવ્યની લાલસાએ મારો અર્થાત્ માણેકશાહ શેઠના શરીરનો ઘાત કર્યો. "– દેવે માણેકશાહ શેઠના દેહાંતનું કારણ રજૂ કરતાં કહ્યું.
"શ્રી જિનશાસન દેવની એવી જ ઇચ્છા હશે?" ગુદેરુવ ઉદાસીનતાથી ગદ્ગદ કંઠ થઈ ગયા.
"હા, દેવની એ ઇચ્છાના પ્રતિફળ રૂપે જ મને આજે દેવસ્વરૂપે જોઈ શકો છો. હવે આજ્ઞા કરો કે હું આપ ગુરુદેવની શી સેવા કરી શકું?" દેવે ઉભય હસ્ત જોડી ઉચ્ચાર કર્યો.
આ વખતે આચાર્યશ્રીએ પોતા પર વીતેલી તમામ હકીકત રજૂ કરતાં જણાવ્યું કે, " આગ્રામાં કોઈ અકળ અને અતિ ગૂઢ કારણને લઈને મારાદશશિષ્યો ન સમજાય એવી દીવાનાની દશામાં ઘણા જ રિબાઈને મરણને શરણ થયા છે, અને અગિયારમો શિષ્ય પણ હાલતનો ભોગ બની કટોકટીભરી સ્થિતિમાં પડેલો છે. આ અતિ ગંભીર ઘટનાના ભેદના ઉકેલ માટે જ શ્રી શાસનદેવીની સૂચના અનુસાર અમો અત્રે આવેલા છીએ. અને અમોને હવે તો પરિપૂર્ણ પ્રતીતિ થઈ છે કે એ દુઃખદ દશાનું નિવારણ આપ જ કરી શકશો."
આચાર્યશ્રીની આ વાણી સાંભળીને વીર માણિભદ્ર પણ સ્તબ્ધ થઈ ગયા. થોડી વાર તેઓ મૌન રહ્યા. અવધિજ્ઞાન વડે જોતાં એમને તરત જ પ્રત્યક્ષ થયું, કે આ ઉપદ્રવ લોકાગચ્છના આચાર્યે સાધેલા કાળાગોરા ભૈરવનો જ છે. માણિભદ્રએ ગુરુદેવને આશ્વાસન આપ્યું અને પોતાની સેનાના બાવન વીરોમાંના એક વીરને કાળાગોરા ભૈરવને હાજર કરવા આજ્ઞા કરી.
વીર તરત જ વિદાય થયો અને અલ્પ સમયની અંદર કાળાગોરા ભૈરવને શ્રી માણિભદ્ર પાસે લાવીને હાજર કર્યા. ભૈરવ હાથ જોડીને આજ્ઞાની રાહ જોતા માણિભદ્ર દેવ સમક્ષ ઊભા રહ્યા.
" ભૈરવદેવ! પોતાના ધર્મધ્યાનમાં જ પ્રવૃત્ત એવા સંત પુરુષોને ઉપદ્રવ કરીને તમે મહા અનિષ્ટ કર્યું છે. આવા અધમ કર્મના ઉપાર્જનથી તમારું કોઈ કાળે કલ્યાણ થવાનું નથી. માટે તરત જ જૈન સાધુઓને સતાવવાનો તમારો ઉપદ્રવદૂર કરો."માણિભદ્ર વીરે કાળાગોરાએ ભૈરવને એમનો ઉપદ્રવ દૂર કરવા આજ્ઞા કરી.
" પ્રભુ ! આપની આજ્ઞા અમોને સર્વદા શિરસાવંદ્ય જ હોય; પરંતુ આમાં તો અમે મંત્રબળ વડે બંધાએલા છીએ. એટલે અમારી ઇચ્છા હોવા છતાં પણ એ બંધનમાંથી છૂટી શકવાને અસમર્થ છીએ." કાળાગોરા ભૈરવે દેવની આજ્ઞાનો અમલ કરવાની પોતાની અશક્તિનું કારણ રજૂ કરતાં કહ્યું.
" તમે સીધી રીતે નહિ માનો તો સખત હાથે કામ લેવું પડશે." દેવે જરા ઉગ્ર અવાજે ઉચ્ચાર કર્યો.
" મહારાજ ! આપ અમારા સ્વામી છો , પરંતુ અમે પરાધીન છીએ. આપ જો બળજબરીથી આપની આજ્ઞાનું પાલન કરાવવા ઇચ્છતા હશો, તો આપની સામે પણ અમોને
Jain Education International
For Private & Personal Use Only
www.jainelibrary.org
| SR No. | 005141 |
| Book Title | Yakshraj Shree Manibhadradev |
| Original Sutra Author | N/A |
| Author | Nandlal B Devluk |
| Publisher | Arihant Prakashan |
| Publication Year | 1997 |
| Total Pages | 860 |
| Language | Gujarati |
| Classification | Book_Gujarati |
| File Size | 39 MB |