________________
સ્થવિરાવલી.
णिग्गंठी जाया । अहऽणंतरं विहारं कुणमाणे णिग्गंठ-णिग्गंठीगणोवेए ते दुन्नि वि भइणी भाया अवंतीणयरुज्जाणे समागए । तत्थ णं आसं खेलिजंतो गद्दहिल्लो णिवो समेओ । तत्थ णं से सरस्सइणिग्गंठीरुवमईव मणोहरं पासित्ता मयणबाणाकंतो तां बलत्ताए घित्तूण णियंतेउरम्मि ठावइत्ता भुंजेइ । कालिगजेहिं बहुपत्थिओ वि से दुब्भग्गो तांण मुंचेइ । कोहाकंतो कालिगजो तओ विहारं किच्चा सिंधुजणवए पत्तो । तत्थ णं रज्जं कुणमाणं सामंतणामधिज्जं सगरायं सुवण्णसिहित्ता वजहय-गयाइपयंडसेणोवेयं कालिगजो अवंतीणयरीसमीवे ठावेइ । गद्दहिल्लो वि णियसेणोवेओ बहिं समागओ । तत्थ णं भीसणे जुज्झे जायमाणे गद्दहिल्लो णिवो कालं किच्चा णेरइयातिहिओ जाओ । कालिगजो वि णियभइणिं सरस्सइं आलोयणापुव्वं पुणो दिक्खिऊण तओ विहारं कुणमाणो कमेणं भरुअच्चे णयरे समागओ । तओ गद्दहिल्लणिवपुत्तो विक्कमक्कणामधिजो तं सामंतणामधिकं सगरायमाक्कम्म वीराओ दसाहियचउसयवासेसु विइक्कतेसु अवंतीणयरे रजं पत्तो । से वि य णं विक्कमको णिवो अईवपरक्कमजुओ जिणधम्माराहगो परोपयारेगणिट्ठो अवंतीए णयरे रजं कुणमाणो लोगाणमईवपिओ जाओ ।
एलावच्चसगोत्तं वंदामि महागिरिं सुहत्थिं च ।
तत्तो कोसिअगुत्तं बहुलस्स सरिव्वयं वंदे ॥१॥ अजसुहत्थिओ सुट्ठिय-सुप्पडिवुड्डा(बुद्धा) इयावलिया थिरकप्पियाणमावलिया विणिग्गया । जिणकप्पितुलत्तं कुणमाणाणं अजमहागिरीणं बहुल-बलिस्सहाभिक्खे दोवे पहाणसेहे होत्था । हारिअगोतं साईं च वंदिमो हारिअं च सामजं । वंदे कोसिअगुत्तं संडिलं अजजीयधरं ॥२॥ तिसमुद्दखायकित्तिं दीव-समुद्देसु गहिअपेआलं । वंदे अजसमुदं अक्खुभिय-समुद्द-गंभीरं ॥३॥ भणगं करगं झरगं पभावगं नाण-दंसणगुणाणं । वंदामि अजमंगुं सुअसागरपारगं धीरं ।।४।।
Jain Education International
For Private & Personal Use Only
www.jainelibrary.org
