________________
પ્રેમ-બલિદાન પિતાના કપ્તાનને તેણે એક વખત એવું બોલતાં સાંભળ્યો હતો કે, “એ બહુ સુંદર છોકરી છે, પણ તેના હાથ કેવા રાતા રાતા ફાફડા જેવા છે!” હવે ખલાસીને મન ઍડમિરલનો શબ્દ એ હુકમ બરાબર હોય. એટલે લેથિયરીને મન ત્યારથી સ્ત્રીઓના હાથની બાબતમાં અમુક ખ્યાલ જ બંધાઈ ગયો. તેનાં પોતાનાં બાવડાં તે એવાં જંગી તથા જબરાં હતાં કે, તે મિત્રતાની રૂએ હાથ મિલાવે, તે પણ સામાને જાણે તેનો હાથ જકડમાં પકડાયેલો જ લાગે. બીજે વખતે તે તે ફરસબંધીના પથ્થરને પણ પોતાની થપાટથી તેડી નાખે.
તે કદી પરણ્યો ન હતો. તેણે કદી પરણવાની ઇચ્છા જ નહોતી કરી. તેને જોઈતી સ્ત્રી તેને પરણવા નહોતી મળી, એમ જ કહોને! કદાચ એનું કારણ પેલું પણ હોય કે, જાતે ખલાસી હેઈને તેને ડચેસને હોય એવા નાજુક સફેદ હાથવાળી સ્ત્રી જોઈતી હતી!
એવી ગુસપુસ અલબત્ત ચાલતી હતી કે, રોશેફૉર્ન મુકામે પોતાને જોઈતા ગુણવાળી એક ખેડૂત કન્યા તેને મળી હતી. તે છોકરી પોતે સુંદર હતી, તથા તેના હાથ પણ સુંદર હતા. ખાસ કરીને એના નખેએ લેથિયરીને આકર્થો હતા : સુંદર હાથ ઉપર સુંદર નખ! પરંતુ એક વખત એ નખનો તે જુવાનડીએ નહેર તરીકે કરેલો ઉપયોગ જોયા બાદ લેથિયરીએ નક્કી કરી લીધું કે, એ વાઘણને પરણવું એના કરતાં કુંવારા રહેવું વધુ સારું!
બીજે વખતે ઑરીનીમાં એક છોકરી તેને ગમી ગઈ હતી. તે એની સાથે લગ્ન કરી બેસવાની તૈયારીમાં જ હતા. તેવામાં એક પડોશીએ લેથિયરીને અભિનંદન આપતાં કહ્યું, “એ છોકરી સરસ બળતણઉછાળ છે; તમને એવી પની મેળવવા બદલ અગાઉથી અભિનંદન!” લેથિયરીએ એ બાબતનો વધુ ખુલાસો પૂછયો. તે પેલાએ કહ્યું, “ઓરીનીમાં ગાયનું છાણ ભેગું કરી લાવી, ઘરની ભીતિ ઉછાળી ઉછાળીને ટાડાય છે. સુકાઈ સુકાઈને છાણાં ખરી પડે, તે બળતણ તરીકે વપરાય છે. જે બાઈ ઘરની ભીતિ ઊંચે સુધી છાણનો પિંડ ઉછાળીને ચોંટાડી શકે, તે
Jain Education International
For Private & Personal Use Only
www.jainelibrary.org
