________________
॥ कल्पसूत्रांश ॥
तए णं समणे भगवं महावीरे अणगारे जाए, इरियासमिए, भासासमिए, एसणासमिए, आयाण- भंड- मत्त - निक्खेवणा-समिए, उच्चार- पासवण - खेल - जल्ल-सिंघाण पारिट्ठावणिया-समिए, मणसमिए, वयसमिए, कायसमिए, मणगुत्ते, वयगुत्ते, कायगुत्ते, गुत्ते, गुतिदिए, गुत्तबंभयारी, अकोहे, अमाणे, अमाए, अलोभे, संते, पसंते उवसंते, परिनिव्वुडे, अणासवे, अममे, अकिंचणे, छिन्नगंथे, निरुवलेवे, कंसपाइ इव मुक्कतोए, संखे इव निरंजणे, जीवे इव अप्पsिहयगई, गगणमिव निरालंबणे, वाऊव्व अपडिबद्धे, सारयसलिलं व सुद्धहियए, पुक्खरपत्तं व निरुवलेवे, कुम्मो इव गुत्तिदिए, खग्गिविसाणं इव एगजाए, विहग इव विप्पमुक्के, भारंडपक्खी इव अप्पमत्ते, कुंजरो इव सोंडीरे, वसभो इव जायथामे, सीहो इव दुद्धरिसे, मंदरो इव अप्पकंपे, सागरो इव गंभीरे, चंदो इव सोमलेस्से, सूरो इव दित्ततेए, जच्चकणगंव्व जायरूवे, वसुंधरा इव सव्वफासविसहे, सुहुय - हुयासणे इव तेयसा जलंते,
णत्थि णं तस्स भगवंतस्स कत्थइ पडिबंधो भवइ । से य पडिबंधे चउव्विहे पण्णते, तं जहा दव्वओ, खित्तओ, कालओ, भावओ । दव्वओ सचित्ताचित्तमीसिएस दव्वेसु । खित्तओ - गामे वा, नगरे वा, अरण्णे वा खित्ते वा, खले वा, घरे वा, अंगणे वा, नहे वा । कालओ - समए वा, आवलियाए वा, आणपाणुए वा, थोवे
"
वा,
११०
Jain Education International For Private & Personal Use Only www.jainelibrary.org
