Apangna Ojas

SR No.: 004953
Original Sutra Author: N/A
Author: Kumarpal Desai
Publisher: Sanskar Sahitya Mandir Ahmedabad
Publication Year: 2011
Total Pages: 202
Language: Gujarati
Classification: Book_Gujarati, Sermon, & Biography
File Size: 8 MB

Page 180

વધુ ઊંચો બન્યો, પરંતુ આ પરિસ્થિતિને એણે સહજતાથી સ્વીકારી લીધી એટલું જ નહીં, એની માતાને કહ્યું, “આવી રીતે કૃત્રિમ પગ ધરાવતાં બીજાં બાળકો કરતાં પોતે વધુ આસાનીથી હરી-ફરી શકે છે.”
ફિલિપે ધીરે ધીરે કૃત્રિમ પગો સાથે ચાલવાનું શરૂ કર્યું. દોડવાનો પ્રારંભ કર્યો અને બન્ને કૃત્રિમ પગ ધરાવતો આ બાળક રસ્તાઓ ૫૨ બીજાં સામાન્ય બાળકોની માફક જ સાઇકલ ચલાવવા લાગ્યો. કૃત્રિમ પગવાળા આ બાળકે ફૂટબૉલ ખેલવાનું વિચાર્યું અને ધીરે ધીરે એ એમાં એવો નિપુણ બન્યો કે એની સ્કૂલ ટીમનો એક અગ્રણી ખેલાડી બન્યો, એટલું જ નહીં, પણ એક ચપળ ગોલકીપર તરીકે એણે નામના મેળવી. એવામાં ગ્રંથાલયમાં વાંચતી વખતે એણે વૉટર-સ્કીઇંગ માટેની એક વિજ્ઞાપન વાંચી. એ સમયે ‘સ્કાઉટ’ નામની કૃત્રિમ પગ ધરાવનારાઓની સંસ્થામાં ફિલિપ જોડાયો હતો અને આ સંસ્થાનો એણે શ્રેષ્ઠ બાળકનો એવૉર્ડ મેળવ્યો હતો. એની સાથોસાથ ફિલિપને ‘આવા મોટા અને ગંભીર ઑપરેશન દરમિયાન દાખવેલી હિંમત અને પછીની સારવાર દરમિયાન દાખવેલી પ્રસન્નતા માટે' પ્રમાણપત્ર એનાયત કરવામાં આવ્યું.
એ પછી એણે વૉટર-સ્કી માટે તાલીમ મેળવવાનો પ્રારંભ કર્યો અને ૧૬૩ તાલીમબાજના માર્ગદર્શન હેઠળ એ શીખવા લાગ્યો. ઇંગ્લૅન્ડના એ સમયના વડાપ્રધાન માર્ગારેટ થેંચર અને ઇંગ્લૅન્ડનાં મહારાણીએ પણ આ હિમ્મતબાજ બાળકને ‘ચાઇલ્ડ ઑફ એચીવમેન્ટ' તરીકેનું પારિતોષિક આપ્યું અને આજે એ વૉટર-સ્કીઇંગ પોતાની રીતે કરી રહ્યો છે.
ફિલિપ ડર્બિશાયરની માતા કૅરોલ કહે છે કે આ છોકરો એક અદ્ભુત છોકરો છે. એ ક્યારેય પોતાની શારીરિક પીડાની કે હલનચલનની મુશ્કેલીની ફરિયાદ કરતો નથી.
ઑપરેશન પછી પહેલી વાર જ્યારે એને સ્વિમિંગ બાથમાં લઈ ગયા, ત્યારે આ નાનકડા છોકરાએ એની માતાને કહ્યું કે ત૨વામાં એને કદાચ થોડીઘણી મુશ્કેલી પડતી જોઈને એની માતાએ સહેજે રડવું નહીં, આંખમાં એક આંસુ પણ લાવવું નહીં અને જો એ આવું કરશે તો એને ગમશે નહીં. આમ આ બાળક એ આપત્તિઓ સામે ક્યારેય હાર નહીં પામનારો છે, જેણે પોતાના એ પછીના જીવનમાં પણ રમતક્ષેત્ર અને જીવનક્ષેત્રમાં પ્રગતિ સાધી.
*
R
| ame l«lehle