________________
શ્રીમની અમૃત પ્રસાદી જૈન તત્ત્વજ્ઞાન અને ચારિત્રવિષયક ગુજરાતી સાહિત્યની દષ્ટિએ શ્રીમનાં લખાણોનું ભારે મૂલ્ય છે.''
- પંડિત સુખલાલજી ૩૦મે વર્ષે ઈડરથી પત્ર લખ્યો છેઃ
ઈડર, વૈશાખ વદ ૧૨, શુક્ર, ૧૯૫૩ “ કેવળ નિરાશા પામવાથી જીવને સત્સમાગમનો પ્રાપ્ત લાભ પણ શિથિલ થઈ જાય છે. સત્સમાગમના અભાવનો ખેદ રાખતાં છતાં પણ સત્સમાગમ થયો છે એ પરમપુષ્ય યોગ બન્યો છે, માટે સર્વસંગ ત્યાગ યોગ બનતાં સુધીમાં ગૃહસ્થ પાસે સ્થિતિ હોય ત્યાં પર્યન્ત તે પ્રવૃત્તિ, નીતિસહ, કંઈ પણ જાળવી લઈને પરમાર્થમાં ઉત્સાહ સહિત પ્રવર્તી વિશુદ્ધિસ્થાનક નિત્ય અભ્યાસતાં રહેવું એ જ કર્તવ્ય છે.''
‘‘ચિત્તમાં તમે પરમાર્થની ઈચ્છા રાખો છો એમ છે; તથાપિ તે પરમાર્થની પ્રાપ્તિને અત્યન્તપણે બાય કરવાવાળા એવા જે દોષ તે પ્રત્યે અજ્ઞાન, ક્રોધ, માનાદિના કારણથી ઉદાસ થઈ શકતા નથી અથવા તેની અમુક વળગણામાં રુચિ વહે છે, તે પરમાર્થને બાધ કરવાનાં કારણ જાણી અવશ્ય સર્પના વિષની પેઠે ત્યાગવા યોગ્ય છે. કોઈનો દોષ જેવો ઘટતો નથી. સર્વ પ્રકારે જીવના દોષનો જ વિચાર કરવો ઘટે છે.''
પૂ. મહાત્મા ગાંધીજીને, ડરબન આફ્રિકાથી પૂછેલા પ્રશ્નોના, આ પત્રમાં વિસ્તારથી જવાબ આપ્યા છે. એ પત્ર અહીં નીચે આપ્યો છે?