Agam 01 Ang 01 Acharanga Sutra Part 03

SR No.: 004827
Original Sutra Author: N/A
Author: Ramchandrasuri
Publisher: Sanmarg Prakashan
Publication Year: 2001
Total Pages: 274
Language: Gujarati
Classification: Book_Gujarati, Agam, Canon, & agam_acharang
File Size: 12 MB

Page 64

આચારાંગસૂત્રનાં વ્યાખ્યાનો - ૩ -
-
538
દુકાને તો હાંસી પણ ન હોય, કારણ કે એથી તો પેઢીનું વજન ઘટે. એટલે પેઢી ઉપર તો ભાવતાલની અને માલની જ વાતો હોય. વેપારની જ વાતો હોય ત્યાં હાંસી-ઠઠ્ઠા ન જ હોય. મિત્રને પણ કહી દેવું પડે કે, ભાઈ ! આડીઅવળી વાતો માટે ઘેર આવજે . ઘરે પણ દીવાનખાનામાં નહિ; એનાં તો સ્થાન જ જુદાં, કારણ કે એમાં આબરૂ નથી. આથી સ્પષ્ટ છે કે ઉત્તમ સાધના કરવી હોય, ત્યાં વાત પણ સારવાળી જ હોવી જોઈએ. સાર વિનાની વાત કરનારા અને સાંભળનારા અજ્ઞાની છે, પણ જ્ઞાની નથી. ત્રણે અનુયોગોનો સાર ચરણકરણાનુયોગ છે. માટે એનું કદી જ વિસ્મરણ ન થવું જોઈએ.
જીવ, અજીવ, પુણ્ય, પાપ, આશ્રવ, સંવર, નિર્જરા, બંધ અને મોક્ષની કોરી વાતો કાંઈ મોક્ષમાં ન લઈ જાય. વિદ્વાનમાં ખપવા કે પ્રસિદ્ધિમાં આવવા માટે તત્ત્વની વાતો કરવાની નથી! તત્ત્વની વાતો તો “ચરણકરણાનુયોગ” તરફ સંપૂર્ણપણે ઝૂકવા અને ઝુકાવવાનું સામર્થ્ય કેળવવા માટે જ કરવાની છે.
“ચારે અનુયોગોમાં “ચરણકરણાનુયોગ મુખ્ય છે, અને એ મેળવવા માટે જ પ્રથમના ત્રણ અનુયોગો સેવવાના છે.” આટલી વાત જો બરાબર સમજાઈ જાય : તો તરત જ આત્માની બધી દશા પલટાઈ જાય : પણ એ તરફ ઝોક નમવો જોઈએ. અત્યારે તો એક જ વાત છે કે “વાતો બધી કરો, પણ ધ્યેયને સ્પર્શે જ નહિ. સામાયિક, પ્રતિક્રમણ, પૌષધ, દાન, શીલ તપ, એ બધું કરવાનું કહો, પણ શાને માટે, એ પંચાતમાં ન ઊતરો!! એનું કારણ એ જ છે કે એ આવે એટલે દુનિયા તરફનો રસ ઊતરી જાય છે.
“શ્રાવકને સેવા, પૂજા, ગુરુવંદન, વ્યાખ્યાન શ્રવણનું કહો, પણ શાને માટે એ ન કહો.” આમ કહેવાનું કારણ એ જ છે કે “શાને માટે ?' એ સમજાયું, એટલે દુનિયાનો રંગ છોડવો પડે છે અને અહીં રંગ જોડવો પડે છે. પણ હું કહું છું કે ક્રિયા બધી કરો, પણ એ વિના એટલે કે જ્યાં સુધી દુનિયાનો રંગ છૂટે નહિ અને આચરણનો રંગ આત્માને લાગે નહિ ત્યાં સુધી બધું ધૂળ ઉપર લીંપણ જેવું છે.
સભા : ક્રિયા તદ્દન નિષ્ફળ?
ના, નિષ્ફળ એવું નહિ. ફળ માન્યું. ફળનો ઇન્કાર નથી. પણ પછી શું? માનો કે ઠેઠ નવ રૈવેયક સુધી પહોંચાડ્યા, પછી શું? ચાલનારો ચાલે તે ગમે