Page Text
________________
૭૫
પ્રકાશમાં જઈએ તો આપણી આંખો કેવી એકદમ મીંચાઈ જાય છે તેની જેમ... આપણે અંહકારના અંધારામાં આથડીએ છીએ. તેના કારણે સત્યને પામી શકતા નથી. અરે સત્ય કોઈ સમજાવે-બતાવે તો આપણે તાડૂકીએ છીએ. આપણા દોષો જોવામાં આપણે આંધળા બની ગયા છીએ. આજનો સુધરેલો (?) માનવ...
માણસ સુખની ભ્રાન્તિમાં જીવી રહ્યો છે. ધર્મથી સુખ મળે છે તે તેની સમજમાં ઉતરતું જ નથી. ધર્મવાન બનવા માટે પહેલાં ગુણવાન્ બનવું પડશે. પરિણામનો વિચાર કર્યા વિના જ આજનો સુધરેલો (?) માનવ પ્રવૃત્તિ કરતો હોય છે. ક્રોધનો આવેશમાનનો આવેશ. આ બધાના આવેશમાં કરેલાં કાર્યોનું પરિણામ પેઢીઓની પેઢીઓ સુધી ચાલતું રહે છે. આજે પગ ઠંડા થઈ ગયા છે અને મગજ ગરમ થઈ ગયું છે. પગને ગરમ રાખવાના હતા તેના અભાવે સાવ નજીકમાં જ જવાનું હોય ને તો પણ સ્કૂટર-ગાડી વિના ચાલે જ નહીં ને ! ચાલવાનું તો લગભગ નહીંવત્ બની ગયું છે તેથી શરીર પણ કેવા બેડોળ અને રોગના ઘર બની ગયા છે. એક વ્યક્તિનું શરીર એટલું બધું ફૂલી ગયેલું કે ઘરના દરવાજાની બહાર નીકળી શકે જ નહીં. એ મરી ગયો ત્યારે તેને દોરડાથી બાંધીને નીચે ઉતારવો પડયો. બારણામાંથી નીકળી શકે તેમ ન હતો માટે... મગજને ઠંડુ રાખવાનું હતું તેના બદલે એટલું બધું ગરમ બની ગયું છે કે વાત-વાતમાં દીકરો બાપની સાથે, વહુ-સાસુની સાથે, ભાઈ-ભાઈની સાથે ઝઘડી પડે છે, સમતાના અભાવે જ ને !
માનવજન્મ તો ઘણાને મળ્યો છે પણ આ ધર્મ બધાને મળ્યો નથી. જેને મળ્યો છે તે પણ તેને સમજવા તૈયાર નથી. માટે તો જગત આખું કાવાદાવાથી સડી રહ્યું છે. ભવિષ્યનો વિચાર કર્યા વિના માણસ વાત-વાતમાં ઉશ્કેરાટથી ખૂન પણ કરી બેસે છે. દીર્ઘદર્શિતાના અભાવે સુખમય જીવનને પણ દુ:ખમય બનાવી નાખે છે. કરોડો રૂપિયાના પ્રોજેક્ટો ઉભા કરે અને પછી પાછળથી ટેન્સનથી હોસ્પીટલ ભેગા કે કૌભાંડોથી જેલ ભેગા થવા વખત આવે. માનવ જન્મ ફકત દેહને જ પંપાળવા માટે નથી પણ આત્મામાં અનંતશક્તિઓ ભરેલી પડી છે તેને પ્રગટ કરવા માટે છે.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |