Page Text
________________
આસો સુદ-૪
| અંધારામાં અટવાતું જગત સુદીર્ઘદર્શી
જગતના તમામ જીવો અજ્ઞાનના અંધારામાં આથડી રહ્યા છે એ તો બરાબર છે પણ જીવો એ અંધારાને જ પ્રકાશ માની બેઠા છે તે દુઃખની વાત છે. તેથી પરિણામ એ આવ્યું કે આંખ હોવા છતાં અને સામે નિધાન પડયું હોવા છતાં માણસ જોઈ શકતો નથી. જો માણસ સમજી શકે કે હું અંધારામાં અટવાઈ રહ્યો છું તો સદ્ગુરૂ તેને માર્ગ બતાવવા તૈયાર બેઠા છે, પણ આપણે તો આંખો બંધ કરીને જ બેઠા છીએ. સત્ય સાંભળવા તૈયાર જ નથી તે મુશ્કેલી છે. મહાપુરુષો ઘંટ વગાડીને આપણને કહી રહ્યા છે. બ્રહ્મ સત્યે 1ીનું મિથ્યા પણ આપણે મિથ્યા જગતને સાચું માનીને તેની પાછળ દોડી રહ્યા છીએ.
ધર્મનો અર્થ માણસનો પંદરમો ગુણ - સુદીર્ઘદર્શી. આ લોકનું નાણું ક્યાં લગી?
ધર્મના અર્થીપણા માટે દીર્ઘદર્શીગુણ બહુ મહત્ત્વનો છે. માણસ લાંબાગાળાનો વિચાર કરે તો ઘણા અનર્થોમાંથી બચી જાય. પણ આપણી વિચારધારા બહુ જ ટુંકી હોય છે. માટે તો આપણને ચારે બાજુ ધન-પૈસો, વૈભવ દેખાય છે. જો માણસ દીર્ઘદૃષ્ટિથી વિચાર કરે તો ધન ક્યાં સુધી ? તમે જેટલું જીવો ત્યાં સુધી કદાચ કામ લાગે, પણ પરલોકમાં કામ લાગવાનું ખરું ! ભારતનો રૂપિયો અમેરીકા સુધીયે કામ નથી લાગતો તો પછી આ લોકનું નાણું પરલોકમાં ક્યાં આવવાનું ? વળી આ ધન આ જીવનમાં પણ પૂરા ઉપભોગમાં લઈ શકાતું નથી. મુંબઈ જેવા શહેરમાં સાચા દાગીના પહેરીને નીકળી શકાય છે ખરું ? પહેરીને નીકળો તો જાનનું જોખમ થઈ જાય ! દાગીના લોકરમાં જ પૂરાયેલા રહે ! આવી સંપત્તિ છે. છતાં માણસ બ્રાન્તિમાં જીવે છે. અનેક સંકટોને લાવનારી સંપત્તિ પૂરી ભોગવી પણ શકાય નહીં. કયારેક જીવનની સમાપ્તિ સુધી પણ તે લઈ જાય છે. અથવા સંપત્તિ ઘણી હોય પણ શરીર રોગી હોય. સારું ખાઈ-પી શકે પણ નહીં. કદાચ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |