Page Text
________________
૫૧
સૌથી વધારે ડાહ્યો - સોક્રેટિસ
ગ્રીસ દેશમાં એક દેવી અમુક દિવસે પ્રગટ થતી હતી. કોઈ ભૂવાના દિલમાં પ્રવેશ કરીને તે બધાને સત્ય જવાબો આપતી હતી. બધાને કુતૂહલ થયું કે આપણા દેશમાં વધારે ડાહ્યો માણસ કોણ ? દેવીને પૂછ્યું. દેવીએ જવાબ આપ્યો કે સોક્રેટિસ છે. સોક્રેટિસ દેખાવે કદરૂપો હતો. કોઈક વ્યક્તિએ સોક્રેટિસને કહ્યું કે દેવીએ તમને સૌથી વધારે ડાહ્યા કહ્યા છે. સોક્રેટિસે કહ્યું કે તમે બરાબર સાંભળ્યું નહીં હોય.. કારણ કે હું તો કંઈ જાણતો જ નથી.. માટે જાઓ ફરીથી દેવીને પૂછો. દેવીને ફરીથી પૂછ્યું. દેવીએ કહ્યું કે જે કંઈ જ જાણતો નથી એમ કહે છે તે જ બધું જાણે છે. બધું જ જાણવા જશો તો ફસાઈ જશો. સદ્ગુણવાળી વ્યક્તિને પ્રખ્યાત થવા મહેનત કરવી પડતી નથી. સદ્ગુણો જ તેને પ્રખ્યાત કરે છે. સૂર્ય જ્યારે ઉગે છે ત્યારે કોઈને કહેવા જવું નથી પડતું કે સૂર્યદેવ પધારે છે. તેનો પ્રકાશ જ માણસને જણાવી દે છે.
ધૂપની પૂજા શું કરવા ?
આ લોકમાં સુખી થવા માટે અને સમાધિ મરણ પ્રાપ્ત થાય તથા સદ્ગતિ મળે તેના માટે ગુણનો અનુરાગ ખૂબ જ જરૂરી છે. આપણે દહેરાસરમાં ધૂપની પૂજા કરતાં બોલીએ છીએ કે ‘અમે ધૂપની પૂજા કરીએ રે, હો મન માન્યા મોહનજી.’ ‘દુર્ગંધ અનાદિની હરીએ રે હો મન માન્યા મોહનજી.' એ ધૂપની પૂજા દ્વારા આપણા મનમાં ભરેલી અનાદિની દુર્ગંધ જેવી કે અસૂયા, ઈર્ષ્યા, દંભ વગેરેને દૂર કરવાની છે, નહીં કે સુગંધીદાર અગરબત્તીથી દહેરાસરની દુર્ગંધ દૂ૨ ક૨વાની ! પરોપકારી સ્વામી રામતીર્થ
સ્વામી રામતીર્થ ઘણા પરોપકારી માણસ.. એ જમાનાની વાત. જ્યારે એક રૂપિયામાં માણસ પોતાનું ગુજરાન ચલાવતો. મહિને ૩૦ રૂપિયા પગાર એને મળે તો ઘણો થઈ જતો. સ્વામી રામતીર્થને ૧૦૦૦ રૂપિયાનો પગાર બળતો. એ વખતના હજાર એટલે અત્યારે તો ત્રણ-ચાર લાખ જેટલા ગણાય. સ્વામી ખૂબ ઉદાર, આટલા બધા પૈસા આવતા તેમાંથી તેઓ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |