Page Text
________________
૫૦ ગુણાનુરાગનું બીજું પગથિયું
બીજું પગથિયું - ગુણોને ગાયા પછી પોતાના જીવનમાં ઉતારવાની પ્રવૃત્તિ કરે. ફકત ગાવાથી કાંઈ ન વળે. તથા જે ગુણો આપણામાં હોય તેને મલિન ન થવા દે, પણ વિસ્તારે. આપણે સારું કપડું પહેર્યું હોય તો તેને કેવું સાચવીએ ? તેને એક પણ ડાઘ પડવા ન દઈએ. તેમ આપણામાં રહેલા ગુણોને મલિન નહીં થવા દેવાના. ચાહે દાન, દયા, પરોપકાર કે કોઈપણ હોય. તેને ખીલવવાના. દાન આપનાર એમ વિચારે કે કોઈ લુચ્ચો માણસ દાન લઈ જશે તો ! લુચ્ચો પણ હોય તેથી કાંઈ દાન બંધ કરી ન દેવાય. જે ગુણાનુરાગી હોય છે તે બધાને પ્રિય બને છે. તેને જોતાં જ બધાને આનંદ થાય. તેનું નામ લેતાં પણ માણસ હરખાય. આનાથી વિશેષ કઈ કમાણી જોઈએ? ગુણષી માણસોનું નામ લઈએ તો બીજા કહે કે રહેવા દો... એવા માણસનું નામ ન લેશો. નહીંતર આપણો દહાડો બગડી જશે. ગુણાનુરાગથી પાપ ધોવાઈ જાય છે. અને ગુણાનુરાગ ન હોય તો પુણ્ય ધોવાઈ જાય છે. ગુણને ઘૂંટશો તો ગુણ આવશે અને દોષને ઘૂંટશો તો એજ દોષો તમારામાં ઉતરશે. પૂ. પદ્મવિજયજી મહારાજે ઋષભદેવ ભગવાનના સ્તવનમાં કહ્યું છે કે “જિન ઉત્તમ ગુણ ગાવતાં ગુણ આવે નિજ અંગ' પરમાત્માના ઉત્તમ ગુણનું ગાન કરીએ તો એ ગુણો આપણામાં આવે. જેને ઉત્તમ ગુણો પર ગુણાનુરાગ હોય તેને તીર્થંકર પદવી પણ મળે છે. તેનું સૌભાગ્ય નામકર્મ વધારે જ્વલંત બને છે. તેનાથી લોકોમાં તેનું વચન માન્ય બને છે. ગુરૂ દત્તાત્રેય
ગુરૂ દત્તાત્રેયને ૨૩ ગુરૂ હતા. કોઈની પણ પાસેથી તેમને કાંઈક શીખવા મળે તેને તે પોતાના ગુરૂ બનાવી દેતા. ચાહે તે કુતરો હોય કે વાંદરો હોય. ગુણાનુરાગી માણસ હમેશાં ગુણો જ શોધતા હોય છે. દોષોથી ભરેલી વ્યક્તિમાં પણ તેને ગુણો જ દેખાય છે. ગુણના અનુરાગથી એવું પુણ્ય બંધાય છે કે જગતની સારામાં સારી વ્યક્તિઓ- વસ્તુઓ તેનાથી આકર્ષાઈને તેની પાસે આવે છે. દાન-શીલ-તપમાં કંઈકને કંઈક ભોગ આપવો પડતો હોય છે જ્યારે ગુણના અનુરાગી બનવા કંઈ પણ ભોગ આપવો પડતો નથી.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |