Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 59

૩૮
પાડી. બન્ને વચ્ચે રકઝક ચાલે છે. રબારીએ પૂછયું કે ભાઈ તારે આ ટુકડાને શું કરવો છે? ત્યારે જયદેવે કહ્યું કે મારા દિકરાને રમવા માટે જોઈએ છે. રબારીએ કહ્યું કે આવા તો ઘણાયે ટુકડા પડયા છે તે તું શોધી કાઢ. આ તો હું નહીં આપું. જયદેવને લાગ્યું કે આ હવે આપે તેમ નથી લાગતો માટે તેને હું આ રત્નનું સાચું મહત્ત્વ સમજાવું. તેણે ક્યું કે ભાઈ ! આ કાચનો ટુકડો નથી પણ ચિંતામણી રત્ન છે તેની પાસે આપણે જે માંગીએ તે મળે. તું તેને બરાબર સાચવજે. પેલા ગોવાળિયાને થયું કે આ માણસ બકવાસ કરે છે કે શું ? આ કાચનો ટુકડો આપણે જે માંગીએ તે આપે તેવું સારું કેવી રીતે મનાય ! લાવ પરીક્ષા તો કરું તે આપે છે કે નહીં ? તેણે તરત જ રત્નને હુકમ કર્યો કે અરે ઓ રત્ન! મને બોર લાવી આપ. આ બકરાને ચારો લાવી આપ અને અહીં છાંયડો કરી દે, પણ એ રત્ન એમ કાંઈ થોડું લાવી આપે. જયદેવ પાસે જ ઉભો છે તેણે કહ્યું કે અરે ભાઈ ! આ રત્ન એમ તને કાંઈ નહીં આપે, તેના માટે પહેલાં તારે ત્રણ ઉપવાસ કરવા જોઈએ. તેની પૂજા કરવી જોઈએ. નમસ્કાર કરવા જોઈએ અને પછી નમ્રતાથી તેની પાસે માંગણી કરાય. આમ હુકમ ન કરાય. વિધિવત્ એ રત્નને સાધવું જોઈએ. ભગવાનની સાથે પણ માયા...
આજે આપણે પણ શું કરીએ છીએ ? સંકટ આવ્યું એટલે ધર્મ કરવા માંડશે અને સંકટમાંથી છૂટવા ભગવાનને પ્રાર્થના કરશે. આ સેકન્ડે ધર્મ કર્યો અને આ સેકન્ડે એનું ફળ જોઈએ. એમ ક્યાંથી મળે ધર્મને તો આરાધવો જોઈએ. આ તો કહે કે હે શંખેશ્વર દાદા ! જો મારું આ કામ થઈ જશે તો હું તારા દર્શન કરવા આવીશ અથવા તો આટલી રકમ ચડાવીશ.. વગેરે.. પણ અલ્યા મૂર્ખ ! ભગવાન એમ કાંઈ પૈસાથી ખરીદવાની ચીજ નથી. સાચા દિલથી એની આરાધના કરવી જોઈએ. ઘણા લોકો માનતા હોય છે કે દહેરાસરમાં જઈને એક બંડલથી ભંડાર ભરી દીધો એટલે ભગવાન ફીદાફીદા. ભગવાનને તમારા પૈસાની જરૂર નથી. ભગવાનને તો તમારી દયા, માનવતા, પરોપકારીતા જોઈએ છે. પણ આજે આ પાયાનો ધર્મ સાવ લુપ્ત થતો જાય છે.