Page Text
________________
U
ઈંડા માંગે તો ઈડા પણ આપવા તમે તૈયાર છો. બરાબર ને ! તમે રાતદિવસ કમાણી કરો છો કોના માટે ? ધન મળે તે નસીબદાર કે ધર્મ મળે તે નસીબદાર ? શાસ્ત્રમાં નવ નંદની વાત આવે છે. તેણે નવ સોનાની ટેકરીઓ બનાવી હતી પણ સાથે શું લઈ ગયો? સોનું એટલે શું? પીળી માટી કે બીજું કંઈ ? દશ-વીસ હજારની સાડી પણ આખરે ગાભો (કપડાનો ડૂચો) કે બીજું કાંઈ? આવું જ્યારે સમજાશે ત્યારે લાગશે કે ધન નહીં હવે ધર્મ જોઈએ. જેના માટે રાત-દિવસ ભોગો આપ્યા છે તેને નવડાવ્યુંધોવડાવ્યું, ખવડાવ્યું-પીવડાવ્યું, શણગાર્યું છતાં જ્યારે આ જીવને જવાનો વખત આવશે ત્યારે એ આપણી સાથે આવશે ખરું ? તે તો અહીંઆ લાકડામાં બળી જશે. ચોવીસે કલાકનો સંબંધ એક જ ક્ષણમાં ખલાસ, આ આપણા જિગરજાન મિત્રની કહાણી.. વાર-તહેવારનો મિત્ર-સ્વજનો
હવે બીજો મિત્ર વાર-તહેવારનો મિત્ર. તે છે આપણાં સગાં, સ્વજનો. જ્યારે જીવને જવાનું થશે ત્યારે આપણાં સગાઓ કાંઈ કરી શકશે ખરા.. જે આ લોકમાં યે નિઃસ્વાર્થ સંબંધ રાખતા નથી તે આપણાં પરલોકનો શું વિચાર કરવાના હતા. જીવન સમાપ્ત થયું. ગયા.. બાળી આવ્યા. પતી ગયું. તેઓ કોઈ એમ વિચારે ખરા કે લાવો એની પાછળ કાંઈક દાન-પુણ્ય કરીએ એને પરલોકમાં શાન્તિ મળશે. ના, એ તો એમ વિચારે કે અમારે શું લેવા-દેવા. કરશે છોકરાને કરવું હશે તો ? છોકરો વિચારશે કે ગયા. નિરાંત થઈ હવે એમની પાછળ પૈસાનો ખોટો વ્યય કરીને શું કરવાનો ? તો કેટલાક છોકરાઓ સમાજના ડરને લીધે મા-બાપની પાછળ એકાદ પૂજન ભણાવી દે એટલે પતી ગયું. મા-બાપ જેટલી ચિંતા છોકરા પાછળ કરે છે તેની એક ટકો ય ચિંતા છોકરો મા-બાપ માટે કરતો નથી. પરલોકની ચિંતાનો તો વિચાર જ ક્યાં કરવાનો? અને એમાંય વળી મા-બાપ માંદા હોય, માંદગી લાંબી ચાલી હોય અને એ મરી જાય તો તે જ સ્વજનો અને છોકરાઓ કહેશે કે હાશ... ! છૂટ્યા. આવો સંબંધ છે સ્વજનો સાથેનો.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |