Page Text
________________
ભાદરવા વદ-૯
અણમોલ રત્ન ! બંગલાનો સાચો માલિક કોણ?
શાસ્ત્રકાર મહારાજા આપણને ધર્મ કેવું કિંમતી રત્ન છે તે સમજાવી રહ્યા છે. દુર્લભ એવું આ રત્ન અનંત શક્તિઓને ધરાવે છે. આ લોકમાં સુખી કરે છે અને પરલોકમાં પણ સુખી કરે છે. તમે ભેગી કરેલી આ સંપત્તિ તમને આ લોકમાં પણ પૂરા ઉપભોગમાં આવતી નથી તો પરલોકમાં ક્યાંથી આવવાની ? લાખો રૂપિયા ખર્ચીને મોટો આલીશાન બંગલો બનાવ્યો, પણ ધંધો કરતાં તમે એ બંગલામાં કેટલા કલાક રહેવાના અને તમારા ઘરનું કામકાજ કરતો ઘરઘાટી તમારા બંગલામાં કેટલા કલાક રહેવાનો ? બંગલાનો વધારે ઉપભોગ કોણ કરે ? તમે કે તમારો ઘાટી ? માલિકી કોની ? જરા ઉંડા ઉતરીને વિચારો તો સત્ય સમજાશે. ધર્મ તમને સાચી સમજણ આપશે. વ્યાવહારિક ધર્મ તો બધાય કરે છે. હિન્દુઓ કરે છે, મુસ્લિમો કરે છે અને ખ્રિસ્તીઓ પણ કરે છે. પણ મારે તમને સાચો ધર્મ સમજાવવો છે. માણસ ઘણા પ્રકારના સંકલ્પો કરતો હોય છે. પૈસા મેળવવાના કે બંગલા બંધાવવાના કે પછી ગાડીઓ વસાવવાના, પણ સાચા ધર્મને સમજવાનો સંકલ્પ કરનારા કેટલા ? મારે તમને સાચા ધર્મને મેળવવાનો સંકલ્પ કરનારા બનાવવા છે. સાચો સંકલ્પ હશે તો આપ મેળે તમારી તેમાં પ્રગતિ થશે. માણસ કોઈપણ વસ્તુનો સંકલ્પ કરે છે તો તેને મેળવવા તે આકાશ-પાતાળ એક કરે છે અર્થાત રાત-દિવસ મહેનત કરે છે તેમ જ ધર્મને મેળવવા તમે સંકલ્પ કરશો તો તમને સાચો ધર્મ મળીને જ રહેશે. ધર્મ કેવું રક્ષણ કરે છે તે આપણે ત્રણ મિત્રના રૂપક દ્વારા જોઈ રહ્યા છીએ. જિગરજાન મિત્ર - શરીર
આપણો રોજનો જિગરજાન મિત્ર કોણ? જાણો છો? આપણું શરીર. જેને આપણે જે જોઈએ તે, એ જ્યારે માંગે ત્યારે અને જે માંગે તે બધું જ આપીએ છીએ. એ ગુટકા માંગે તો ગુટકા, પાન-મસાલા માંગે તો પાનમસાલા અરે એનાથી આગળ વધીને કહું તો એ દારૂ માંગે તો દારૂ અને
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |