Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 39

૧૮
કે આ એક્ટરોને જોવા ! અને કાન ભગવાનનું ભજન સાંભળવા ને સંતોની વાણી સાંભળવા મળ્યા છે. સંતની વાણી સાંભળી હોય તો ક્યારેક જીવનમાં ઉપયોગી બને પણ આજે તો કાન અને આંખ જાણે ટી.વી. જોવા ને એફટરોના ગીતો સાંભળવા મળ્યા ન હોય ! એમાં જ મસ્ત હોય છે. સંતોની વાણી સાંભળીને કાનને પવિત્ર કરવા એ જ કાનનું આભૂષણ છે. રૌહિણેય ચોર
શાસ્ત્રમાં રૌહિણેય ચોરનું દૃષ્ટાંત આવે છે. તેના પિતા એક મહાભયંકર ચોર હતા. પુત્રને પણ તેમણે ચોર જ બનાવેલો. મરણશયાએ પડેલા પિતાનો જીવ કંઈક કહેવા માટે મથી રહ્યો છે. રૌહિણેય પૂછે છે કે પિતાજી કોઈ ઈચ્છા અધૂરી છે? ત્યારે પિતા કહે છે કે બેટા ! એક શિખામણ તને આપવાની છે. આ નગરીની આજુબાજુ એક મહાવીર નામનો ધુતારો ફરી રહ્યો છે. તે બધાને કહે છે કે હિંસા ન કરશો. જુગાર ન રમશો. ચોરી ન કરશો વગેરે... પણ તેની વાત તારે ક્યારે ય સાંભળવી નહીં. એ જ્યાં આ ઉપદેશ આપતો હોય તે માર્ગને તારે છોડી દેવો. બસ આટલું વચન આપ, તો મારો જીવ છૂટે. પુત્રે વચન આપ્યું. પિતા પરલોક ગયા. પિતાની શિખામણને તે બરાબર પાળે છે. ભગવાનની જ્યાં દેશના ચાલતી હોય તે માર્ગથી એ દૂર જ ભાગે છે. હવે એકવાર બન્યું એવું કે તે ચોરી કરવા જઈ રહ્યો છે. જે માર્ગ પરથી તે જવાનું છે તે જ માર્ગે ભગવાનની દેશના ચાલી રહી છે. તેને જવા માટે બીજો કોઈ માર્ગ નથી. તેથી ના છૂટકે તે તે માર્ગે જાય છે. મેઘ જેવા ગંભીર નાદે ભગવાનની દેશના ચાલી રહી છે. ત્યારે દેવોનું વર્ણન ચાલી રહ્યું હતું. રૌહિણેયને ત્યાંથી નીકળવું છે. પણ ભગવાનના શબ્દો જો કાનમાં પેસી જાય તો પિતાને આપેલા વચનનો ભંગ થાય તેથી તેણે તો કાનમાં બે આંગળી નાખીને દોટ મૂકી. પુરજોશથી દોડી રહ્યો છે. પણ દોડતાં દોડતાં પગમાં કાંટો વાગ્યો, કાંટો એટલો બધો ઉંડો પેસી ગયો કે તેને કાઢવા માટે કાનમાંથી આંગળી કાઢવી જ પડી. જ્યાં આંગળી કાનમાંથી બહાર કાઢી ત્યાં જ કાનમાં ભગવાનનો મધુર સ્વર અથડાયો કે દેવો અનિમેષ નયનો વાળા હોય છે અને ભૂમીને અડતા નથી. બસ આ બે જ શબ્દો કાનમાં પડયા.