Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 212

૧૯૧ પ્રેમીમાં તેમનો પહેલો નંબર આવે. આજે તો તે કરોડપતિ છે. જો કે હમણાં થોડાં વર્ષો પહેલાં જ તેઓ ગુજરી ગયા. એક સમય એવો હતો કે પોતે દુકાન ચલાવતા. કોઈ ગ્રાહક દુકાને કંઈક લેવા માટે આવ્યો. તેણે અમૂક રૂપિયાની વસ્તુ લીધી. હિસાબમાં ચાર આના ગ્રાહકે આપવાના રહેતા હતા. ગ્રાહકે
wયું કે કીર્તિભાઈ હવે પાવલું તો જતું કરો. મારા છોકરાને સીંગ-ચણા લેવામાં કામ લાગશે. ત્યારે આ કીર્તિભાઈ બોલ્યા કે અલ્યા ! ચાર આના કાંઈ મફતમાં આવે છે. પહેલા ચાર આના આપ પછી જા. આમ પાઈપૈસાનો હિસાબ રાખનાર આ ભાઈના રગેરગમાં બીજાના ભલાની ભાવના.. સમય પસાર થઈ રહ્યો છે. તેમને ત્યાં લક્ષ્મીદેવીની મહેર થઈ. પણ તેમણે પોતે પરિગ્રહ પરિમાણ કરી લીધું. તે સમયે 300 રૂપિયાનો જ પરિગ્રહ રાખેલો. માણસ કોઈપણ નિયમ લે એટલે કસોટી આવે આવે ને આવે ! તેમણે પરિગ્રહ પરિમાણ કર્યું ને ધંધામાં લાખો રૂપિયા આવવા માંડયા. છતાં નિયમમાં અગ. ૩00 રૂપિયામાં બે જોડી કપડાં અને ચંપલ લેવાનાં અને ૧૨ મહિના ચલાવવાના. ખર્ચ બહુ અલ્પ અને કમાણી લાખોની તેથી લક્ષ્મીને સાર્થક કરવા જીવદયામાં ખર્ચવા માંડી. દુષ્કાળના સમયમાં ગામડેગામડે ફરીને ઢોરોના વાડા ઉભા કરે. વર્ષે દહાડે એક કરોડ રૂપિયા જીવદયામાં ખર્ચવા લાગ્યા. કાળ બદલાવા લાગ્યો. મોંઘવારી વધી ગઈ. છતાં પોતાનું પરિમાણ તો ૩૦૦ રૂપિયાનું જ રાખ્યું. આજે તમારું એક ચંપલ જ ૩૦૦ રૂપિયાનું થાય. કીર્તિભાઈ ઘણી દુકાનો ફરે, જાડામાં જાડું ધોતિયું શોધે કારણ કે બાર મહિના ચલાવવાનું હોય ને ! ચંપલ પણ ચાલુ જ ખરીદે. એમાં વળી જો ક્યાંક ગયા હોય અને ચંપલ ઉપડી જાય તો બારે મહિના ચંપલ વિના ચલાવે. કરોડપતિ છતાંયે ૩૦૦ રૂપિયામાં જ ચલાવ્યું. આજે ચારેબાજુ તેમની નામના છે. તેમના એક દિકરા મહેશભાઈ ભણશાલી તો પરોપકારના કાર્યો માટે પરણ્યા નહીં. બસ જીવોની સેવા કરવી છે. પરણવાનો પણ ટાઈમ નથી. કેવો પરોપકાર તેમના જીવનમાં વણાયો હશે. સાદાઈ પણ કેટલી ? તમે તેમના ઘેર જાઓ તો પોતે જાતે ચા બનાવીને તમને પીવડાવે. ઘેર કાંઈ નોકર-ચાકર ન રાખે. આવી વિરલ વિભૂતીઓથી જ આ જગત શોભે છે. અને આવા પરોપકારી માણસોજ ધર્મને લાયક બની શકે છે.