Page Text
________________
૧૮૭
ભલું કરતો હોય છે પણ તેનાથી તે આગળ આવવાને બદલે પાછો પડતો જાય છે. શાસ્ત્રકારો કહે છે કે જ્યારે પણ તક મળે ત્યારે તેને ઝડપી લેજો . ચાહે કોઈ પંખી દુઃખી હોય કે, કોઈ પશુ દુઃખી હોય કે, કોઈ માણસ દુઃખી હોય આપેલું કે કરેલું કયાંય નિષ્ફળ જતું નથી. કોઈને તમે ખવડાવ્યું હશે અરે ! એક રકાબી ચા પણ પાઈ હશે ને તો તે નિષ્ફળ જતી નથી.
માંડલ ગામના જગુભાઈએ કહેલી સત્ય ઘટના - અમારે ત્યાં એક પટેલ જમવા આવેલા. એ પટેલની સાથે તેમનો બીજો મિત્ર હતો. તેની સાથે મારે કોઈ ઓળખાણ નહોતી પણ સાથે હતો તેથી જમવા આવ્યા. પટેલને મેં ૫૦૦૦૦ હજાર રૂપિયા વગર લખાણે આપ્યા. થોડા સમયમાં જ પાછા આપવાના હતા. - હવે બન્યું એવું કે તે પટેલ અચાનક જ ગુજરી ગયા. તેમને સંતાનમાં ચાર છોકરીઓ જ. દીકરો એકે નહીં. આ પૈસાની બીજા કોઈને ખબર નહીં ફકત સાથે આવેલા પેલા મિત્રને ખબર. હવે પૈસાની વહેંચણી કરવાની હતી. મેં તો પૈસા નહીં જ આવે એવું માની જ લીધું હતું. પણ આ મિત્ર કે જેના પેટમાં અમારું અન્ન હતું. તેણે કોઈપણ ઓળખાણ વિના જ પ0000 રૂપિયા મને પાછા અપાવ્યા. તેમણે પટેલના જમાઈઓને કહ્યું કે આ ભાઈનો પૈસો ન રખાય. મારી નજરે જ પૈસા આપ્યા છે. લખાણ કોઈ નથી. પણ પૈસા આપ્યા છે તે ચોક્કસ. બે વર્ષે અચાનક જ સામેથી એ ભાઈ પૈસા લઈને આવ્યા. તેમના ખૂદના શબ્દો છે કે સાહેબ મને ખાવા કરતાં ખવરાવવામાં ખૂબ જ આનંદ આવે છે. તેનાથી જીવનમાં નમ્રતા પણ આવે. સામેની વ્યક્તિ નાની કે મોટી તેને પાસે બેસીને જમાડવાની પણ એક મજા હોય છે.
મોક્ષમાં જનારા ઘણા હોય છે પણ તીર્થકર બનનારા તો વિરલ જ હોય છે. કારણ કે તીર્થંકર પરમાત્માના હૃદયમાં બસ પરોપકારની જ કેવળ ભાવના ભરેલી હોય છે માટે તો તેઓ પરાર્થવ્યસની કહેવાયા છે. જેનું વ્યસન હોય તેના વગર માણસને એક ઘડી પણ ચાલતું નથી. તેમ ભગવાનને પરોપકાર કર્યા વિના ચાલતું નથી. જીવનમાં પુણ્ય મેળવવાની આ બધી ચાવીઓ છે. બીજાના ભલાની ભાવના જ માણસને ઘણે ઉંચે લઈ જાય છે. કર ભલા હોગા ભલા, કર બૂરા હોગા બૂરા” કુદરતનું આ સનાતન સત્ય
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |