Page Text
________________
૧૮૬ વાત કાઢીને મુશ્કેલીમાં મૂકે. ત્યારે આ તિર્યંચયોનિમાં રહેલો સર્પ પણ પોતાનો માલિક કહે છે છતાં ડંખ દેવા તૈયાર થતો નથી. ઘણી વિનંતી કરવા છતાં પણ જ્યારે સર્પ તૈયાર થતો નથી ત્યારે સંન્યાસી સર્પને કહે છે કે જો તું મને ડંખ નહીં આપે તો તને મારા ગુરુના સોગંદ છે. હવે શું ? ગુના સોગંદને કમને પાળવા માટે તૈયાર થાય છે. જરાક મો પહોળું કરે છે, સંન્યાસીએ મોમાં પોતાની આંગળી મૂકે છે. ડંખ તો નથી દેતો. પણ ઝેર આંગળીને અડતાં શરીરમાં પ્રસરવા માંડે છે. પછી પોતાના અંતિમ સમય નજીક જાણીને સર્પને પોતે સુરક્ષિત સ્થળે મૂકી આવે છે. અને સમાધિ લગાવીને બેસી જાય છે. છેવટે સામેથી મૃત્યુને વહોરીને પરમાત્મામાં લીન બની જાય છે. ધર્મની સંજ્ઞામાં ડૂબો
કેટલાક મૂઢ જીવો મૈથુનસંજ્ઞામાં ડૂબેલાં છે અને પરિગ્રહ સંજ્ઞામાં તો જગતનો મોટો વર્ગ ડૂબેલો છે જ. માણસને એક ગ્રહ નડતો હોય તોયે તોબા પોકારી જાય છે તો જેને પરિ એટલે ચારેબાજુથી ગ્રહો નડતા હોય અર્થાત્ પરિગ્રહની મમતા હોય એનું શું ન થાય? આમ આ ચારે સંજ્ઞાના વિચારોમાં ને પ્રવૃત્તિમાં જ માણસ વ્યસ્ત છે. પણ જેના વિચારોમાં તમે સતત જીવો છો તે બધું અહીંયા જ રહેવાનું છે. માટે શાસ્ત્રકારો કહે છે કે ધર્મની સંજ્ઞામાં જીવો તો બધી જ સંજ્ઞામાંથી તમને મુક્તિ મળી જશે. પરહિતચિંતક
ધર્મની સાથે ગુણો હોય તોજ નાનકડો પણ ધર્મ જીવનમાં ફળીભૂત થશે. બીજ નાનકડું જ હોય છે. પણ તેમાંથી વડલો કેવો વિસ્તરે છે? ધર્મભલે થોડો કરો પણ ગુણયુક્ત હશે તો વડલાની જેમ વિસ્તાર પામશે. ધર્મને યોગ્ય વ્યક્તિનો ૨૦મો ગુણ છે પરહિતચિંતક અર્થાત્ બીજાના હિતનો જ વિચાર કરનારો. પૂ. આનંદઘનજી મહારાજે કહ્યું છે કે “અવસર બેર-બેર નહીં આવે, ન્યું જાણે હું કરલે ભલાઈ, જનમ જનમ સુખ પોવે...' ધર્મી માણસ સ્વભાવથી જ પરોપકારી હોવી જોઈએ. કેટલીકવાર માણસ દેખાવ માટે, કેટલીકવાર આગળ આવવા માટે અથવા કેટલીકવાર વ્યવહારથી માણસ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |