Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 175

૧૫૪
સાધુ બની જાય છે. આમ જગતની તમામ ચીજો પરિવર્તનશીલ છે. એમાં મો શું મચકોડવું ? રાજાને લાગ્યું કે હું તો મંત્રીને બહુ બુદ્ધિશાળી માનતો હતો પણ આ તો સાવ મૂર્ખા લાગે છે. આટલી દુર્ગંધ આવે છે ને એને કાંઈ અસર થતી નથી. રાજાએ કહ્યું કે મંત્રીશ્વર ! તમે તો આવા વેદિયા જ રહ્યા. મંત્રી એ સમયે ગમ ખાઈ ગયો. કાંઈ બોલ્યો નહીં. અવસરે રાજાને પાઠ શીખવીશ એમ માનીને અવસરની રાહ જોઈને બેઠો.
મંત્રીની યોજના
આ વાતને થોડો વખત થઈ ગયો, મંત્રીએ રાજાની સાન ઠેકાણે લાવવા તેણે તે જ ગટરના પાણીના પાંચ-સાત ધડા ભરાવી મંગાવ્યા. ચાર-પાંચ દિવસ તે ઘડા એમજ પડયા રાખ્યા. કચરો બધો નીચે બેસી ગયો. પછી ઉપરનું પાણી બીજા ઘડાઓમાં લીધું આ પ્રમાણે છ મહિના સુધી પાણી એકબીજા ઘડામાં ફેરવ્યા કર્યું. પાણી સ્ફટિક જેવું નિર્મળ બની ગયું. પછી તે પાણીમાં સારા-સારા સુગંધી પદાર્થો નાખીને પાણીને ખૂબ જ સુવાસિત બનાવ્યું. રાજાને જમવાનું આમંત્રણ આપે છે. રાજા જમવા પધારે છે. જાતજાતની વાનગીઓ બનાવી છે. જમવા બેસે છે. વાનગીઓ પીરસાય છે. થોડું જમ્યા બાદ રાજા પાણી માંગે છે. મંત્રી પેલું સુગંધિત પાણી આપે છે. પાણી પીતાં જ રાજા ચમકી ઉઠે છે. મંત્રીને પૂછે કે મંત્રીશ્વર ! આ પાણી ક્યાંથી લાવ્યા ? દેવલોકમાંથી આવ્યું છે કે શું ? રાજાએ જમવાનું પડતું મૂકીને પાણી જ પીધા કર્યું. મંત્રી કહે છે કે રાજન્ ! આ પાણી દેવલોકમાંથી આવ્યું નથી, આ તો પેલી ગંધાતી ગટરનું જ પાણી છે. જેની દુર્ગંધથી તમે મોં બગાડયું હતું. મેં તમને કહ્યું હતું ને કે અશુભ પગલો શુભ બને છે ને શુભ પુદ્ગલો અશુભ બને છે. એ મારી વાણી નહોતી પણ ભગવાન મહાવીરની વાણી છે. રાજા કહે છે કે મારે એ વાણી સાંભળવી છે. પછી રાજા સાચો ધર્માત્મા બને છે. આ પ્રમાણે ઠરેલ માણસની સોબત માણસને છેક કાંનો ક્યાં પહોંચાડી દે છે.
મર્યા પછી આંખો ફાટેલી કેમ રહે છે ?
હજી પણ દુનિયામાં કંઈક જોવાનું બાકી રહી ગયું છે.