Page Text
________________
ઉપર ગઈ છે. માટે તો ઘર-ઘરમાં ફલેશો છે.અશાંતિ છે. મા-બાપની દુવા દવા કરતાં વધારે અસર કરે છે. સામાન્યમાં સામાન્ય માણસ પણ મા-બાપની દુવાથી ક્યાંનો ક્યાં પહોંચી જતો હોય છે. ઘરડાં માણસોને તમારી હુંફની જ જરૂર હોય છે. પણ આજે તો ધંધેથી થાકી ને આવશે એટલે બાયડી જોડે ગપાટાં મારવા બેસશે અથવા તો ટી.વી.નાં દૃશ્યો જોશે. પણ ઘરમાં રહેલા વૃદ્ધ મા-બાપને બોલાવવાનીયે એને પડી નથી. એ જીવે છે કે મરે છે, એ જોવાની અને જરૂર નથી. બસ આજના જુવાનીઆઓ તો મોજ-મઝામાં ને રખડવામાં જ આનંદ માને છે. મા-બાપ કંઈક કહેવા જાય તો સામે બે-ચાર સાંભળવી પડે. એટલે બિચારા મૌન ધારણ કરીને જ બેઠા છે. આજે દેશ પણ જુવાનીયાઓના હાથમાં આવતા પાયમાલીના પંથે જઈ રહ્યો છે. રાજ કરનાર વ્યક્તિ ઠરેલ હોવો જોઈએ અથવા જુવાન ભલે હોય પણ ગુણવૃદ્ધ કે જ્ઞાનવૃદ્ધ હોવો જોઈએ. મંત્રી પદને લાયક કોણ?
એક રાજા હતો. તેના પ્રધાનમંડળમાં કેટલાક જુવાનો હતા અને કેટલાક વૃદ્ધો હતા. જુવાન મંત્રી વર્ગ એકવાર રાજાને કહે છે કે આ ઘરડાઓ સાવ નકામા છે. આપણા રાજ્યમાં એમની શી જરૂર છે. તેમને કાઢી મૂકવા જોઈએ. ફોગટ તમારા પગારને લે છે. રાજા આ બધું સાંભળે છે પણ કાંઈ જવાબ આપતો નથી. તે વૃદ્ધોની સોબતથી ઠરેલો હતો. રાજાને થયું કે આ બધા રોજ બડબડ કરે છે માટે આમને પાઠ તો ભણાવવો જોઈએ કે વૃદ્ધોની શી જરૂર છે? તેથી એક દિવસ પરીક્ષા માટે તેમણે સભામાં જુવાનમંત્રી વર્ગને એક સવાલ પૂછયો કે મારા માથા પર લાત મારે તેને મારે શું શિક્ષા કરવી ? જુવાનીયાઓ તો વગર વિચાર્યું તરત જ બોલી ઉઠયા કે એના તો તલતલ જેવડા ટુકડા કરવા પડે. કોઈ કહે તેને ફાંસીએ લટકાવવો જોઈએ. તો કોઈ કહે એને જીવતો સળગાવી નાખવો જોઈએ. પછી રાજાએ વૃદ્ધોને પૂછયું કે તમારું શું મંતવ્ય છે? વૃદ્ધોએ વિચાર કરીને કહ્યું કે રાજન ! આપના માથા પર લાત મારે તેને સોના-હીરાથી મઢવા જોઈએ. રાજાએ કહ્યું કે શાબાશ-શાબાશ... કારણ કે વૃદ્ધોએ પહેલાં તો વિચાર્યું કે રાજાના મસ્તક
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |