Page Text
________________
૧૪૭
આમ કેમ ? જતી વખતે મને અંદર બેસાડયો અને ચામડાના વહેપારીને બહાર બેસાડયો. અને અત્યારે એને અંદર બેસાડયો અને મને બહાર આનું શું કારણ? ડોસીમા કહે કે ભાઈ એની પાછળ ઘી અને ચામડું લેવા જતી વખતે તારા વિચારો ખૂબ સુંદર હતા. તું વિચારતો હતો કે હું જ્યાં જાઉં ત્યાં સુકાળ હોય.. અને ઘી-દૂધની નદીઓ વહેતી હોય તો સારૂં જેથી મને ધી સસ્તામાં મળે. જ્યારે ચામડાના વહેપારીના વિચારો એવા હતા કે હું જ્યાં જાઉં ત્યાં દુષ્કાળ હોય તો સારું. જેથી ઢોર ઘણા મરે અને મને ચામડું સસ્તામાં મળે. પણ તમે અત્યારે ઘી અને ચામડું લઈને આવો છો તેથી તમારા વિચારો બદલાયા છે. તને વિચાર આવ્યો કે હવે હું જ્યાં જાઉં છું ત્યાં દુષ્કાળ હોય તો સારું જેથી મારું ઘી ઉંચા ભાવમાં વેચાય અને મને સારી કમાણી થાય. ચામડાવાળાને વિચાર આવ્યો કે હું જ્યાં જાઉં છું ત્યાં સુકાળ હોજો જેથી ઢોરો મરે નહીં અને મારા ચામડાંના સારા ભાવો ઉપજે. વિચારોનો જબરદસ્ત પ્રભાવ છે. કાળા બજાર કહેવાય છે તો શું એ બજારને કાંઈ કાળા રંગથી રંગેલું છે ? અથવા કાળું પાટીયું માર્યું છે ? ના, કાળા વિચારો છે ત્યાં, માટે કાળા બજાર. આ ડોશીમા વૃદ્ધ હોવાને લીધે ઘણા અનુભવો દ્વારા તેમની બુદ્ધિ પરિણત થયેલી હતી. માટે તેઓએ બન્ને વહેપારીઓના મનને જાણી લીધું. બન્ને જણાએ પોતાની ભૂલ કબૂલ કરી. અને જીવન સુધારી લીધું. સંગ તેવો રંગ
સોનાના મેરૂપર્વત પર ઘાસનું તણખલું ઉગેલું હોય તો તે પણ સોનામાં ૪ ખપે ને ! સોના જેવું જ લાગે. તેમ સારા માણસની સોબતથી માણસ ખરાબ હોય તો પણ સારામાં જ ખપે. સંગ તેવો રંગ લાગે જ. વનમાં ખોવાયેલાને રસ્તો મળે છે પણ યૌવનમાં ખોવાયેલાને રસ્તો મળવો ખૂબ જ દુર્લભ છે. આ નાનકડી જીંદગી ઘણી મહાન છે તેમાં મહાનમાં મહાન કમાણી થઈ શકે છે. વીતરાગસ્તોત્રમાં આચાર્યશ્રી હેમચંદ્રસૂરિ મહારાજે કહ્યું છે કેयत्राल्पेनापि कालेन त्वदुभक्तेः फलमाप्यते ।
कलिकालः स एकोऽस्तु कृतं कृतयुगादिभिः ॥
લોકો ભલે કહે કે કળિયુગ છે પણ આ કળિયુગમાં અલ્પકાળની
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |