Page Text
________________
૧૧૩
સાધના જબરજસ્ત હતી. તેમની સાધનાથી ખેંચાઈને જયા અને વિજયા નામની બે દેવીઓ તેમની આસપાસ રહેતી. તેમના ગુરુ મહારાજે વિચાર્યું કે માનદેવ વિજયજી આચાર્યપદ માટે યોગ્ય છે. જ્ઞાની છે, સાધક છે, ગંભીર છે. પદ માટે બરાબર યોગ્ય છે. એ સમયમાં આખા સંઘ ઉપર એક જ આચાર્ય રહેતા. આચાર્યપદ પ્રદાનનો મહોત્સવ મંડાયો - લોકોમાં ઘણો ઉત્સાહ પ્રવર્તેલો છે. પદપ્રદાનનો દિવસ આવી પહોંચ્યો. વિધિ શરૂ થઈ. સૂરિમંત્ર આપવાનો સમય આવી પહોંચ્યો. તે સમયે ગુરુભગવંતની નજર માનદેવવિજયજી મહારાજના ખભા પર બેઠેલી બન્ને દેવીઓ પર ગઈ. દેવીઓ જેનું સાનિધ્ય કરે તેને આચાર્ય પદવી ન અપાય. એ કયારે પણ ગબડી ચૂકે. વિશુદ્ધ રહી શકે જ નહીં. શું કરવું ? ભલે સંઘ ભેગો થયેલો હોય પણ અયોગ્યને જો આચાર્ય પદવી અપાઈ જાય તો શાસનને મોટું નુકશાન પહોંચે. હું દોષિત બનું. તરત જ નિર્ણય કર્યો કે આચાર્ય પદવી આપવી નથી. મિનીટો ગણાઈ રહી છે, સમય થઈ ગયો છે. ગુરુદેવ મૌન બેઠા છે. તેથી સભા પણ સ્તબ્ધ બની ગઈ છે. સમય થવા છતાં આચાર્ય મહારાજ કેમ મૌન બેઠા છે ? પૂ. માનદેવવિજય મહારાજની નજર ગુરૂમહારાજની મુખાકૃતિ પર પડી. તેમણે જોયું ગુરૂ મહારાજ દ્વિધામાં છે. કંઈક ઉદ્વિગ્ન પણ છે. તેમણે પોતાની આસપાસ નજર કરી. દેવીઓને સંધ પર બેઠેલી જોઈ. સમજી ગયા... ગુરૂ પ્રત્યે બહુમાન પણ કેટલું ? ગુરૂજી જે વિચારે છે તે સત્ય જ છે તરત જ ગુરુદેવની પાસે જઈને તેમના ચરણમાં પડયા. અને કહ્યું કે ગુરુદેવ ! યાવજજીવ છએ વિગઈનો ત્યાગ કરાવો. ભરયુવાવસ્થા... ! છએ વિગઈઓનો ત્યાગ ! કેવી શાસન પ્રત્યેની ભક્તિ... કેવો ગુરુદેવ તરફનો પ્રેમ ! ગુરૂદેવે તેમની તેજસ્વિતા જોઈ. છએ વિગઈના પચ્ચક્ખાણ કરાવ્યા. અને પછી પદવીની ક્રિયા શરૂ કરાવી. આવા ગુણો હોય તેજ આચાર્ય બનવા માટે સમર્થ બની શકે છે, કાંઈ પદવીનો સિક્કો લગાડવાનો નથી. ઘણી મોટી જવાબદારી શિર પર આવી પડે છે.
આચાર્ય ભગવંત પ્રજ્ઞાને પણ કેવી પચાવે છે ? તેનું તાદૃશ ચિત્ર વર્ણન કરતું આ દૃષ્ટાંત છે. બુદ્ધિને પચાવવી એ પણ મોટો પરિષહ છે.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |