Page Text
________________
शतक १.-प्रश्नोत्थान,
भगवत्सुधर्मस्वामिप्रणीत भगवतीसूत्र.
२९
गायपलहायणिज्जेहिं अब्भंगेहिं, अभिगिए समाणे तेलचम्मंसि पडिपुण्णपाणि-पायसुकुमालकोमलतलेहिं पुरिसेहिं छेएहिं, दक्खेहिं, पत्तद्वेहिं, कुसलेहिं, मेहावीहिं, निउणसिप्पोवगएहिं, अन्भंगण-परिमद्दणुव्वलणकरणगुणणिम्माएहिं अद्विसुहाए, मंससुहाए, तयासुहाए, रोमसुहाए चउब्बिहाए संवाहणाए संवाहिए समाणे, अवगयखेदपरिस्समे अट्टणसालाओ पडिणिक्खमइ, पडिणिक्खमित्ता जेणेव मज्जणघरे, तेणेव उवागच्छइ, उवागच्छित्ता मजणघर अणुप्पविसइ, अणुप्पविसित्ता समुत्तजालाउलाभिरामे, विचित्तमणिरयणकुटिमतले, रमणिज्जे पहाणमंडवंसि, णाणामणिरयणभत्तिचित्तंसि, पहाणपीढंसि सुहणिसण्णे सुद्धोदएहिं, गंधोदएहिं, पुप्फोदएहि, सुभोदएहिं पुणो पुणो कल्लाणपवरमजणविहिए मज्जिए, तत्थ कोऊअसयहिं बहुविहेहिं कल्लाणपवरमजणावसाणे पम्हलसुकुमालगंधकासाइअलूहिअंगे, सरससुरहिगोसीसचंदणाणुलित्तगत्ते अय-सुमहग्ध-दूसरयणसुसंवुए, सुइमाला-वण्णगविलेवणे, आविद्धमणिसुवण्णे, कप्पियहार-द्धहार-तिसरय-पालबपलंबमाणकडिसुत्तसुकयसोभे, पिणद्धगेविजे, अंगुलेज्जगललिअंगयललिअकयाभरणे, वरकडग-तुडियथंभियभुए, अहिअरूवसस्सिरीए, मुद्दिआपिंगलंगुलिए, कुंडलउज्जोवियाणणे, मउडदित्तसिरए, हारोत्थयसुकयरइअवत्थे, पालंबपलंवमाणपडमुकयउत्तरिजे, नाणामणिकणगरयणविमलमहरिहणिउणोचिअमिसिमिसंतविरइअसुसिलिछविसिट्ठल?आविद्धवीरवलए, किं बहुणा ? कप्परुक्खए चेव 'अलंकिय विभूसिए नरवई, सकोरंटमल्लदामेणं छत्तेणं धरिज्जमाणेणं, चउचामरवालवीजिअंगे, मंगलजयसद्दकयालोए मजणघराओ पडिणिक्खमइ, पडिणिक्खमित्ता अणेगगणनायग-दंडनायग-राईसर-तलवर-मार्डबिय-कोडंबिय-इन्भ-सेहि-सेणावइ-सत्थवाह-दूअ-संधिवालसद्धिं संपरिखुडे धवलमहामेहणिग्गए इव, गहगणदिप्पंतरिक्खतारागणाण मज्झे ससि व्व पियदसणे नरवई जेणेव बाहिरिआ उवट्ठाणसाला, जेणेव आभिसिक्के हत्थिरयणे तेणेव उवागच्छइ, उवागच्छित्ता अंजणगिरिकूडसंनिभं गयवई णरवई दुरूढे. तए णं तस्स कूणियस्स रण्णो भंभसारपुत्तस्स आभिसेकं हत्थिरयणं दुरूढस्स तप्पढमयाए इमे अट्ठट्ट मंगलया पुरओ अहाणुपुन्वीए संपट्ठिया, तं जहाः-सोवस्थिअ, सिरीवच्छ, णंदिआवत्त, वद्धमाणग, भद्दासण, कलस, मच्छ, दप्पण. तयाणंतरं च णं पुण्णकलसभिंगारदिव्वा य छत्तपडागा, सचामरा, सणरइआ, आलोअदरसणिज्जा, वाउ«अविजयवेजयंती ऊसिआ गगणतलमपुलिहंती पुरओ अहाणुपुवीए संपढिआतयाणंतरं च णं वेरुलिअभिसंतविमलदंडं; पलंबकोरंटमल्लदामोवसोहिअं, चंदमंडलनिभं, समूसिअं, विमलं आयवत्तं, पवरं सीहासणं, वरमणिरयणपादपीढं सपाउआजोअसमाउत्तं बहुकिंकर-कम्मकरपुरिस-पायत्तपरिक्खित्तं पुरओ अहाणुपुवीए संपट्ठिअं. तयाणंतरं च णं बहवे लट्ठिग्गाहा, कुंतग्गाहा, चावग्गाहा, चामरग्गाहा, पासग्गाहा, पोत्थयग्गाहा, फलगग्गाहा, पीढग्गाहा, वीणग्गाहा, कुतप्पग्गाहा, हडप्फग्गाहा पुरओ आणुपुब्वीए संपट्ठिआ. तयाणंतर च णं बहवे दंडिणो, मुंडिणो, सिहिणो, जडिणो, पिच्छिणो, हासकरा, डमरकरा, चाटुकरा, कंदप्पिआ, दवकरा, कोकुइआ, कीडकरा, वायंता य, गायंता य, हसंता य, नचंता य, भासंता य, सावंता य, रक्खता य, आलोअंच करेमाणा, जयजयसई पउंजमाणा पुरओ अहाणुपुष्वीए संपढिआ. तयाणतरं च गं जवाणं, तरमलिहायणाणं, हरिमेलामउलमल्लियच्छाणं, चंचुचियललिअपुलिअचलचवलचंचलगईणं, लंघण-वग्गण-धावण-धोरण-तिवईजइणसिक्खिअगईणं, ललंतलामगललायवरभूसणाणं, मुहभंडग-ओचूलग-थासगहिलाणचामरदंडपरिमंडियकडीणं, किंकरवरतरुणपरिग्गहिआणं अट्ठसयं वरतुरगाणं पुरओ अहाणुपुवीए संपट्ठिअं. तयाणंतरं च णं ईसिदंताणं, ईसिमत्ताणं, ईसितुंगाणं, ईसिउच्छंगविसालधवलदंताणं, कंचणकोसीपविद्वदंताणं, कंचणमणिरयणभूसिआणं, वरपुरिसारूढगसंपउत्ताणं, अट्ठसयं गयाणं पुरओ अहाणुपुवीए संपट्ठिअं. तयाणंतर च णं सच्छत्ताणं, सज्झयाणं, सघंटाणं, सपडागाणं, सतोरणवराणं, सणंदिघोसाणं, सखिखिणिजालपरिक्खित्ताणं, हेमवयचित्ततिणिसकणगनिज्जुत्तदारुयाणं, कालायससुकयणेमिजंतकम्माणं, सुसिलिट्ठवत्तमंडलधुराणं, आइण्णवरतुरगसुसंपउत्ताणं, कुसलनरच्छेयसारहिसुसंपग्गहिआणं, बत्तीसतोणपरिमंडिआणं, सकंकडवडंसगाणं, सचावसरपहरणावरणाभरियजुद्धसज्जाणं अट्ठसयं रहाणं पुरओ अहाणुपुब्बीए संपट्ठिअं. तयाणतरं च णं असि-सत्ति-कोंत-तोमर-सूल-लउड-भिंडिवाल-धणुपाणिसज्जं पायत्ताणीयं पुरओ अहाणुपुष्वीए संपढिअं. तए णं से कूणिए राया हारोत्थयसुकयरइअवत्थे, कुंडलउज्जोवियाणणे, मउडदित्तसिरए, णरसीहे, णरवई, नरिंदे, गरवसहे, मणुअरायवसभकप्पे, अहियरायतेयलच्छीए दिप्पमाणे हथिक्खंधवरगए, सकोरंटमल्लदामेणं छत्तेणं धरिजमाणेणं सेयवरचामराहिं उद्भवमाणीहिं उद्धृवमाणीहि वेसमणो विव नरवई, अमरवइसंनिभाए इड्डीए, पहिअकित्ती, हय-य-रह-पवरजोहकलिआए चाउरंगिणीए सेणाए समणुगम्ममाणमग्गे जेणेव पुण्णभद्दे चेइए, तेणेव पहारेत्थ गमणाए. तए णं तस्स कूणिअस्स रण्णो भंभसारपुत्तस्स पुरओ महं आसा, आसधरा, उभओ पासिं गागा, णागधरा, पिट्ठओ रहसंगेलि, तए णं से कूणिए राया भभसारपुत्ते अन्भुगयभिंगारे, पग्गहिअतालिअंटे, ऊसवियसेयच्छत्ते, पवीजिअबालवीअणे, सविडीए, सव्वजुइए, सम्वबलेणं, सव्वसमुदएणं, सव्वायरेणं, सव्वविभूईए, सव्वविभूसाए, सव्वसंभमेणं, सव्वपुप्फ-गंध-मल्लालंकारेणं, सव्वतुडियसहसणिणायेणं, मया इड्डीए, महया जुत्तीए, महया बलेणं, महया समुदएणं, महया वरतुडियजमगसमगप्पवाइएणं, संख-पणव-पडह-भेरि-झल्लरि-खरमुही-हुडुक्क-मुरअ-मुइंग-दुंदुहिणिग्घोसणाइअरवेणं, चंपाए नयरीए मज्झं मज्झेणं णिग्गच्छइ. तए णं से कूणिअस्स रण्णो चंपाणयरिं मझ मज्झेणं निगच्छमाणस्स बहवे अत्यत्थिआ, कामत्थिआ, भोगस्थिआ, लाभत्थिआ, किब्विसिआ, कारोडीआ, करवाहिआ, संखिआ, चक्किआ, णंगलिआ, मुहमंगलिआ, वद्धमाणा, पूसमाणा, खंडिअगणा ताहिँ इट्ठाहिं, कंताहि, पियाहिं, मणुनाहि, मणामाहिं, मणाभिरामाहिं, हिययगमणिज्जाहिं, वग्गूहिं जयविजयमंगलसएहिं अणवरयं अभिनंदता य, अमिथुणता य एवं वयासी:-जय, जय, गंदा!; जय, जय, भद्दा; भई ते, अजिअं जिणाहि, जियं पालेहि, जियमज्झे वसाहि, इन्दो इव देवाणं, चमरो इव असुराणं, धरणो इव नागाणं, चंदो इव ताराण, भरहो इव मणुआणं, बहूई वासाई, बहूई वाससयाई, बहूई वाससहस्साई, बहूई वाससयसहस्साई अणहसमग्गो हट्ठ-तुट्टो परमाउं पालयाहि, इट्ठजणसंपरिघुडो चंपाए णयरीए, अण्णेसिं च वहूर्ण गामा-गर-णगर-खेड-कव्वड-मडंब-दोण., मुह-पट्टण-आसम-संवाह-संनिवेसाणं आहेवणं, पोरेवचं, सामित्तं, भहित्तं, महत्तरगत्तं, आणाईसरसेणावचं करेमाणे, पालेमाणे, महयाहयन-गीय• वाइस-तंती-तलताल-तुडिअ-घणमुइंग-पडप्पवाइअरवेणं विउलाई भोगभोगाई भुंजमाणे विहराहि त्ति कट्ट जयजयसदं पउंजंति. तए णं से कूणिए
राया भंभसारपुत्ते नयणमालासहस्सेहिं पिच्छिन्नमाणे २, हिअयमालासहस्सेहिं अभिणंदिज्जमाणे २, मणोहरमालासहस्सेहिं विछिप्पमाणे २, वयणमालासहस्सेहिं अभिथुव्वमाणे २, कंति-दिव्यसोभग्गगुणेहिं पत्थिजमाणे २, बहूणं नर-नारिसहस्साणं दाहिणहत्थेणं अंजलिमालासहस्साई पडिच्छमाणे, मंजुमंजुणा घोसेणं पडिपुच्छमाणे २, भवणपंतिसहस्साई समइज्जमाणे २, चंपाए णयरीए मझ मज्झेणं णिगच्छद, णिगच्छित्ता जेणेव पुण्णभद्दे चेइए, तेणेव उपागच्छइ, उवागच्छित्ता समणस्स भगवओ महावीरस्स अदूरसामंते छत्ताइए तित्थयराइसेसे पासइ, पासित्ता आभिसेकं हत्थिरयणं ठवेइ, ठवित्ता आभिसेकाओ हत्थिरयणाओ पञ्चोरहइ, पञ्चोरुहित्ता, अवह पंच रायककुहाई, तं जहा-खग्गं, छत्त, उप्फेस, उवाहणाउ, वालवीयणं. जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं पंचविहेणं अभिगमेणं अभिगच्छइ, तं जहा-सचित्ताणं दवाणं विउसरणयाए, अचित्ताणं दवाणं अविउसरणयाए, एगसाडियउत्तरासंगकरणेणं, चक्खुप्फासे अंजलिप्परगहेणं, मणसो एगत्तभावकरणेणं; समणं भगवं महावीर तिक्खुत्तो आयाहिणं पयाहिणं करेइ, करित्ता वंदइ, णमंसइ, वंदित्ता, णमंसित्ता तिविहाए पञ्जुवासणाए पजुवासइ. तं जहा–काइयाए, वाइआए, माणसिआए. काइमाए-ताव संकुइअग्गहत्थपाए, सुस्सूसमाणे, नमसमाणे, अभिमुहे विणएणं पंजलिउडो पजुवासइ. वाइआए-जं जं भगवं वागरेइ एवमेअं भन्ते !,
Jain Education International
For Private & Personal Use Only
www.jainelibrary.org
| SR No. | 004640 |
| Book Title | Agam 05 Ang 05 Bhagvati Vyakhya Prajnapti Sutra Part 01 |
| Original Sutra Author | N/A |
| Author | Bechardas Doshi |
| Publisher | Dadar Aradhana Bhavan Jain Poshadhshala Trust |
| Publication Year | |
| Total Pages | 372 |
| Language | Gujarati |
| Classification | Book_Gujarati, Agam, Canon, & agam_bhagwati |
| File Size | 15 MB |