________________
४४
Jain Education International
तो तेण गहेऊणं ठाणं कोयंड- जीव-जुत्तेण । हस्थिस्स पेसियं तं जीविय विद्दावणं कंडं ॥ ३३८ तत्तो य अइच्छंतो काल- मुहुत्तेण सहयरो मज्झ । कंडेण कडी - भाए विद्धो समए कयंतस्स ॥ ३३९ गाढ- प्पहार वेयण- विमोहिओ नट्ट-गमण - चेट्ठो उ । उद्गम्म मुक्क पक्खो हियएण समं महं पडिओ || ३४०
*
दट्ठूण स-सल्लं तं पढमेल्लुय-माणसेण दुक्खेण । सोग - भरमधारेंती अहमवि पडिमुच्छ्यिा पडिया ||३४१ पच्चागया मुहुत्ते कहवि सोगाउला विलयमाणा | वाह भर पूरियच्छी अच्छामि पियें व पेक्खंती ||३४२ कडि - भाय लग्ग - कंडे वित्थारिय-मुक्क पडिय - पक्खउडं । वाय-पणोल्लिय- भग्गं परममिव स - मालुयं पडियं ॥ ३४३ लक्खाए संपु (?) णं पिव जल-उल्लय (?) - कणय - कलसयं । परसामि य पडणोल्लिय- समोगलिय- लोहियं सा है ।३४४ चंदण-रस- परिसितं असोय- पुप्फोवयार - निउरुब । परसामि नियय- लोहिया कुहिय- सरीरं सहयरं तं ॥ ३४५ पडिओ वि रेहए सो जल- पेरतम्णि किंसुय-सुवण्णो । अत्थवर्णतं परं गओ व्वो सूरो निबुडतो ||३४६ बीमि यतं कंडं तुंडेणोकडिदउं पिययमस्स । सल्ल- समुट्ठिय- दूसह - वियणा-दोसा मरेज्जति ॥३४७ तं सुदुद्दिणच्छी अवयासेऊण पक्ख हत्थेहि | हा हा कंत भगंती मुहं पलोएमि से समुही ||३४८ वियण - वियासिय- तुंडं परियत्तच्छं निसुट्ट - सव्वंगं । परसामि तं पिययमं कंड-विद्दावियप्पाणं ||३४९ तमहं स कज्ज - संमूढयाए तेण य सहाव - पेम्मेण । वीइ-परंपर- गीढं मयं पि जियइ त्ति मण्णेमि ||३५०
नाऊण तं विवण्णं सहसागय- दुस्सहेण सोए । पम्मुच्छिया विसण्णा कहेंचि पडिलद्व - सण्णा य ॥३५१ लुंचामि अग्ग - पक्खे नियए तुंडेण दुक्ख संतत्ता । तरस य जाममि पक्खे पक्खेहि य तं समवगृहं ॥ ३५२ उड्डेंती उल्लेंती तं च मयं सव्वओ अणुपरेंती । सहि हियय-विलवणाई इमाणि कलुणाणि मोयामि ।। ३५३
For Private & Personal Use Only
तरंगलोला
www.jainelibrary.org
