Page Text
________________
१८
तरंगलोला
नयरीए जे पहाणा पवयणिया वायया पवयणस्स । पिउणा आणीया मे पवयण-सारं उवलभामि ॥१२० पंच य अणुव्वयाई गुणव्वयाई च तिणि ते मज्झ । चत्तारि य सिक्खाओ देसंति जहाणुपुव्वीए ।१२१ त काम-कय-पमोय साभाविय-मंडणं सरीरस्स । बालत्तणयं रावण(?) पत्ता हं जोव्वणं घरिणि ॥१२२ बहुया किर तत्थ महं सुण्ह थेरा य धू(पू)इआ अड्ढा । देसावयंस-भूया कुटुंबिणो जायया णंते (? एति) ॥१२३ तो किर ते पडिसेहइ उवाय-पुव्वमणुवत्तगो ताओ । कुल-सील-रुव-सरिसं मज्झ किर वरं अपेच्छंतो ।।१२४ सोऊण समुल्लावं सारसिया नाम चेडिया एया(?गा)। विणओवयार-कुसला साहेइ महं सिणेहेण ॥१२५ अहयं पि सहीहिं समं हो-सह-कारियाहिं परिकिण्णा । सत्त-तल-भवण-सिहरे हम्मिय-तलएसु खेल्लामि ।।१२६ पुरफं वत्थाभरणं खेल्लणयं सुंदरं च जे भक्खा । अम्मा-पियरो सं(? मे) भायरो य सव्वं महं देति ॥१२७ विणएण मे गुरु-जणो तूसइ दाणेण भिक्खु-जणो य । सुह-सीलाए सहि-जणो सेसोथ(?) जणो महुरयाए ॥१२८ भाउज्जायाहिं समं कयाइ सहिया-जणेण परिकिण्णा । नियय घर मंदिरे मंदरम्मि लच्छि व्व अच्छामि ।।१२९ पोसह-कालेसु अह बहुसो सामाइयं करित्ताणं । जिण-वयण-भावणत्थं गणिणीओ पज्जवासामि ॥१३० अब्भहिय-हियय दइया अम्मा-पिइ-भाइ-बंधवाणं च । कालं गमयामि अह एवं सुह-सायर-निबुड्डा ॥१३१ अह अण्णया कयाइं कालागुरु-धूव-दुद्दिणे ताओ । चित्त-कुसुमोवयारे आसण-घरए सुह-निसण्णा ।।१३२ व्हाय-पसाहिय-जिमिओ अम्माए समं मह परिकहाहिं । पास-ट्ठिय-लच्छीए अच्छइ जह चेव गोविंदो ॥१३३ अहं पि [उ] हाइऊणं अरहताणं कए पणामम्मि । पूइऊण (?) पूयणिज्जे अम्मा-पिइ-वंदणाभिगया ॥१३४ पिउणो पाय-ग्गहणं अम्माए वि विणय-पुव्वयं कासि । अह वोत्तूण जियाहि त्ति तेहिं वइसाविया पासे ॥१३५ एयम्मि देस काले काला तत्थ धवला य पडकूला(?) । चन्द-कर-भूसिया विव सारय रयणो विरायंती ॥१३६ उलय(?)-पप्फ-समिदं नव एलयं(? पण्णय)-संपुडंगहेऊण । पुप्फ-घर-वावडा णे आसण घरगं पविसेइ य ॥१३७
Jain Education International
For Private & Personal Use Only
www.jainelibrary.org
| SR No. | 004633 |
| Book Title | Samkhitta Taramgavai Kaha |
| Original Sutra Author | N/A |
| Author | H C Bhayani |
| Publisher | L D Indology Ahmedabad |
| Publication Year | 1979 |
| Total Pages | 324 |
| Language | Gujarati, Sanskrit |
| Classification | Book_Gujarati & Literature |
| File Size | 13 MB |