________________
२३६
तरंगलोला
भंजंति पुप्फ-गोच्छे वच्छाणं तत्थ महिलियाओ य । पल्लव-गोच्छ-धराणं पेच्छ तीओ उववणं तं ।।७३ एएह सत्तिवण्णं दच्छामो तं ति तो भणइ अम्मा । पुप्फाहिं सूइओ जो सर-तड-जाओ त्ति कण्णाए ।।७४ तो सो जुवइ पहकरो पेल्लाविल्लीए तत्थ संपत्तो । (१४६ A) अहमवि य समल्लीणा सारसिया चेडिया सहिया ॥७५ तं सत्तिवण्ण-रुक्खं रम्मं पेच्छच तत्थ हिंडंती । पउम-सरुडीणाणं जं चेडं छप्पय गणाणं ॥७६ ताहिं च महिलियाहिं लुत्त-विलुत्त तु फुल्ल-लोलाहिं । त पिच्छिउण सुइरं पउम-सरं मे गया दिट्ठी ।।७७
रम्मम्मि य तम्मि सरे सहयरि-संभोग-राग-रते य । घरिणि बहु चक्कवाए मणोसिला-पिंजरे पेच्छ ॥७८ दट्टुं च बंधवे विव ते हं चक्कायए तहिं घरिणि । सरिऊण पुव्व जाइ सोएणं मुच्छिया पडिया ॥७९ संपत्त-चेयणा पुण सोयावेसेण विसम कयासासा ।। माणस-दुक्खक्खणिय बाहं बहलं पमुंचंती ॥८० पस्सामि चेडिय त भिसिणी-पत्त-तोएणं(?) । मह हियय भागमंसूणि फुसिय रोवंतिय च सय ।।८१ उढेऊण य तत्तो तष्प उम-सरंतिय कलि-संडं । अहमागया तहिं पि य विमलम्मि ठिया सिलापट्टे ।।८२
तो भणइ चेडिया में सामिणि साहाविएण व समेणं । डसिय-वसेण व केणइ तुममेवं मुच्छिया सहसा ॥८३ साहसु मे ज जाय जेण लहुं किज्जए पडियारो । मा काल विलंबेणं होज्ज वियारंतरं किंचि ॥८४ भणिया य मए एसा नाजिण्णाईणि तो भणइ चेडी । जइ एवं ता साहसु सम्भावं तो मए भणिय ॥८५ जइ कस्सइ कहसि तुम मह कहिय ता विहेसु सहि सवहं । मह जीविय-दोए(?दाणे)णं जेणाहं तुज्झ साहेमि ॥८६ एवं च मए भणिया सारसिया भणइ पाय-वडिया में । जह भणसि तहा काहं सामिणि मे साहसु रहस्सं ॥८७ वोत्तुं चेम तीए सुणणत्थं दुक्कडोवविट्ठाए । वाहोल्ललोयणा हं सोय-विसण्णा परिकहेमि ॥८८
Jain Education International
For Private & Personal Use Only
www.jainelibrary.org
