________________
तरंगलोला .
अह अन्नया कयाई कालागुरु-धूव-गंध मघमधिए । चित्त कुसुमोवयारे आसणहरए सुह निसण्णो ॥२८ हाय पसाहिय जिमिओ ताओ अम्मा जुओ मह कहाहिं । अच्छइ कालो य तया सरओ किर पढममुम्मिल्लो ।।२९ ण्हाया अहं पि य पणया जिणाण तत्तो सणंकुमारं च । कुल-देवयमच्चित्ता अम्मा पिउ-वंदया एमि ॥३० तत्थ वि पणया पिउणो पाय-ग्गहणेण तह य माऊए । तेहि वि निवेसिया हं वोनुं जिणहि त्ति निय-पासे ॥३१
तो सत्तछयस्स-प्पढम कुसुम-पिंडीउ पुडय-संपुडए । घेत्तुं तत्थागया य फुल्लहरी णे भणइ ताय ।।३२ गहवइ वट्टइ सरओ नट्ठा सत्तूहि ते समं मेहा । संपइ जह पउम-सरं तह सेवउ त वरं लच्छी ।।३३ एवं चोवसिलोइय सा फुल्ल-पडिग्गिणी गहवइस्स । उवणेइ वि(?) संपुडियं पुडयं तं सत्तिवण्णाण ।।३४ तत्थुग्घाडिय निग्गय पहाविओ दस-दिसाउ पूरेतो । गयवर-मय-गंधो विव गंधो सो सत्तिवण्णाण ॥३५ तो सत्तिवण्ण-पुण्ण तं पुडय मत्थयम्मि काऊण । पुप्फेहिं समुक्खेवं अरहंताण कुणइ ताओं ॥३६ अण्णे य पुप्फ-गोच्छे निय-त्थि-पुत्ताइएसु वियंरतो । देइ ममं ताओ तह पेसइ सकलत्त-पुत्ताण ॥३७
पेच्छइ य उक्खिवतो पुडयाओ सत्तिवण्ण-पिंडीओ । परिपंडराओ तम्मज्झ संठिय पीय-पिडि च ॥३८ अग्घाइऊण सुचिरं मज्झ पणामेइ त कुसुम-पिंडिं । भणइ य मुणेहि [पुत्तय इमीए वण्गाहि] गारमिण ॥३९ तं पुप्फ-जोणि-सत्थं सुसिक्खिया गंध जुत्ति-सत्थं च । ता कोसल्लं होही तुम्हे भणिमो तुमं तेण ॥४० पयईए पंडुराओ पिंडीओ पुत्ति [सत्तिवण्णाण ।। कारण जाएण इमा केणं पुण पीइया पिंडी ॥४१
Jain Education International
For Private & Personal Use Only
www.jainelibrary.org
