________________
२०२
- तरंगलीला भाणीय गहवई वि य सद्धम्म चरणमारुहेमाणा । घत्था(?) जत्थ बहु-दुक्ख-संकडाओ कुडुम्बाओ ॥१६०० अभिनिक्खंता खंता य पेम-बंध-नियलेहि उम्मुक्का। उवसंत-राग-दोसा सम-सुह-दुक्खा सुमुणी जाया ॥१६०१ धण्णा कलत्त-गोत्तीहिं निग्गया पेमा-बंधण-विमुक्का । अवगय-माण-कोहा चरंति धम्मं जिणक्खायं ॥१६०२ इच्छिय-विसय-सुह-निवेसणस्थ निव्वुय-मणा नवरि अम्हे। न चएमो निस्सरिउं मोह-नियल-बंधण निबद्धा ॥१६०३ एयाणि य अण्णणि य बहूणि तव-नियम-तेय-करणाणि । भाणीय सुटु परमत्थ दिट्ठी-धम्मो तहिं सेठ्ठी ।।१६०४
देहतर-संकंति व्व तत्थ ने सोग-गहिय-हिययाओ । ससुर-घर-कूल-घरासण्णणीउ महिला परुण्णाओ ॥१६०५ ताहिं य पउर-विलविय-कलुणाहि दुहियाहि रोवमाणीहि । आवरिसिया व अंसूहि तस्स भूमी उववणस्स ॥१६०६ अह सेट्टि-सत्थवाहा स-महिल-मित्त-जण-बंधव-समग्गा। घेत्तूण बाल कण्णे नयरिमइगया परोयंता ॥१६०७ तम्मि य जण-हलबोले पेच्छय-पच्छाइयं तयं समणं । अम्हेसु लग्ग-दिट्ठी सेट्ठी विमणो उदच्छीय ॥१६०८ सव्वो वि वाणिय(?)-जणो संत-परिच्चाय-विम्हिओअम्हं ।' धम्माणुराग-रत्तो जेणागयमेव वक्कतो ॥१६०९
अह तत्थ समण-लच्छी-समस्सिया रूविणी खम च्चेव । गणिणी गुण-संगणिणी तं वंदिउमागया समणं ॥१६१० सा अज्ज-चंदणाए सिस्सा तव-नियम-नाण-पडिपुण्णा । वंदइ य सा सुविहियं स-परिवारं तयं समणं ॥१६११ भणिया य कप्प-गुण-जाणएण तेण समणेण सा गणिणी । समणी पावस्स समणी होउ इमा सिस्सिणी तुम्हं ॥१६१२ तो तीए विणयायारो आयारो मद्दवत्तण-गुणाण। समणत्तणोवयारो इच्छाकारो कओ तस्स ॥१६१३ तेण य भणियामि अहं वंदसु अह ते पवत्तिणी अज्जा। पंच महव्वय-धारण-दढ-ठवया सुव्वया गणिणी ॥१६१४
Jain Education International
For Private & Personal Use Only
www.jainelibrary.org
