________________
१८४
तरंगलोला
दूई य पेसिया मे अहं च पुवाणुराग-तोरविया । पिय-वसहिम्मि पओसे गया मयण-दोस-संतत्ता ।।१४६६ दो वि हु गुरु-जण भीया तत्तो नावाए तह अवक्कंता । ता तक्करेहि गहिया गंगा पुलिणे महल्लम्मि ॥१४६७
एवं सा वर-बाला साहइ बंदीजणस्स रोयंती । सव्वं जहाणुपुवि सुह-दुक्ख पवंच रिछोली ।।१४६८ बंदी-जणस्स एवं तीए कहतीए रोयमाणीए । संभारिओ मि जाई मोहं च गओ मुहुत्तागं ॥१४६९ पच्चागओ य संतो अम्मा-पियरं च भारियं च तहिं । पुन्व-चरियं च निययं तं कुल-धम्मं च सुमरामि ॥१४७० सोऊण य तं तीए सुमिणय-संभारिय व महं ताए । जाय' करुणा मउय वच्छल्ल-गुणम्मि य हिययं ॥१४७१ तं चकवाय-जुयलं इमं ति हियएण हं विचितेमि । गंगाभरण जं मे तया हयमयाणमाणेणं ॥१४७२ न-हु मे पुणेा-वि जुत्तं रइ-तिसिय दुक्ख लद्ध-संभोगं । मिहुणमिणं हतुं जे काम-रइ-रसं वियाणंतो(?) ॥१४७३ तो होउ तस्स पावस्स निकिती जीविएण वि सएण । दाहामि जीविय से काहं परलोय-तत्तिं च ॥१४७४
एव कयाभिप्पारण ता मए सारय करतेण । निग्गंतूण कुडीओ कओ सिढिल-बंधा तरुणा ॥१४७५ सण्णद्ध बद्ध-चिंधा वेगत्तिय (?) खंड कत्तिय काउं ।। छुरिय बंधेऊणं असि वसुणंदं गहेऊणं ॥१४७६ सो य पओसम्मि मए पल्लीए नीणिओ पवंचेउं । नित्थारिओ य अडविं सह कंताए परम धोरं ।।१४७७ निकतारं च तहिं गामभासं महिं पमोत्तूण । निविण्ण-जीवलोगो इमाणि हियएण चिंते (?) ॥१४७८ नहु जुज्जइ मे गंतुं कयावराहस्स चोर-पल्लि ति । सेणावइस्स य मुहं जम-पुरिस समस्स द? जे ॥१४७९ लोभेण काम सुह-मिच्चुणा मए जं कयं बहुं पावं । तस्स विमोक्खं मोक्खं संपइ काउं खमं नवरि ॥१४८० जो कुणइ राग मूढो परस्स दुक्खं सुहं विमग्गंतो। सो कुणइ अप्पणो मुक्खयाए दुक्खं बहुतरायं ॥१४८१
Jain Education International
For Private & Personal Use Only
www.jainelibrary.org
