________________
तरंगलोला
चोरेहिं य रयणाण पल्लीवइणो करंडओ दिण्णो । सेसं तेहिं वि दत्तं तरुण-मिहुण-संतिय मोल्लं ॥१४५१ सेणावइ-वयणेण य आणविओ हं इमे उ नवमीए । कच्चाइणीए जागे महा-पसू दो-वि कायव्वा ॥१४५२ मह दिण्णा रक्खेउ नीया य मया घरं नियं दो-वि । बाह-भर-भरिय-नयणा मरण-भय पणढ-चेट्ठा य ।।१४५३ बंधण-गुण-साहीणं तरुणं काऊण हं पडालीए । "अच्छामि उ रक्खंतो सो(?) पल्लिए सुरं निघोट्टतो ॥१४५४
तो सा विलाव-पउरा कलुणं पइ-पेम्म पायडिय सोया । 'रोएइ पवर-तरुणी मण-कंपणयं महाणस्स(?) ।।१४५५ तो तीए झण्ण-सहाणियाहि बंदीहिं सोयमाणीहिं । पेच्छिजति सवईया (?) तत्थ कयंतं सवंतीहिं ।।१४५६ तो ताहिं जाय-कोऊहलाहिं बदीहिं पुच्छिया तरुणी । कत्तो त्थ कत्थ वच्चह किह वा चोरेहिं गहियाई ॥१४५७ तो सा बाहुस्सीसं भणइ सुणह मूलओ इमं मे त्ति । सव्वं दुक्खं एयं जम्मूलं म्हे इमं पत्ता ॥१४५८
चंपा नाम पुरवरी तीसे अवरम्मि रण-विवरम्मि । आसीय चक्कवाई गंगापरोयणा अहयं ॥१४५९ इणमो य मज्झ तरुणो तहियं सुरय रह-सारही अहियं । गंगातरंगतिलओ पुलिण-तले तीए ती आसि(?) ॥१४६० अह अण्णया कयाई कोयंड-वयंसएण कंडेण ।। इणमो वाहेण हओ वण-हत्थि हंतु-कामेण ॥१४६१ जायाणुसरण पुणो पुलिण-तले झामिय सरीरं से । अहमवि तत्थ अइगया पइ-मग्ग-विमग्गिया अग्गि ॥१४६२ तत्थ मया हं संती जउणा-तड-सन्निविट्ठ लट्ठम्मि । सेट्ठि-कुले आयाया कोसंबीए पुरवरीए ॥१४६३ तत्थ य पुव्वतराय आयातो मज्झिमो पिययमो वि । ति-समुद्र-लद्ध सद्दे सस्थाह-कुले महल्लम्भि ।।१४६४ पुणरवि चित्त पडेण विण्णाआ तत्थ एक्कमेक्का णे । मग्गाचिया य अहय पिउणा न य संपदिण्णा य ॥१४६५
Jain Education International
For Private & Personal Use Only
www.jainelibrary.org
