Page Text
________________
१७२
रणोवगूढत्थ(?) अत्थि तत्थ(?) गरहिअ-[क]म्मस्स । वाहाणं संवासो सावय-कुल-काल-पुरिसाणं ।।१३७३ सुक्खंत-सरम-वल्लूर-मंस-चम्म-बसमोत्थया जत्थ । संझायंते च सया वाह(?)-कुडि-मुह-पएसा ॥१३७४ वल्लूर-सरस-गट्ठय सरहिर-सुक्खंत-भरिय-नेव्वाओ । दीसति रत्त-कंवल-कय पावरणाउ वाहीओ ॥१३७५ वाहीहि जत्थ कीरइ बरहिण-पिच्छ-कय-पावरियंसीहिं । सव्वत्थ मुसल-कम्मं कलभाण दंत-मुसलेहिं ।।१३७६ अहयं अणंतर-भवे इओ य आसीय हत्थि-पडिहत्थी । मय-जीवियावहारो मासाहारो तहि वाहो ॥१३७७ उच्चा-दढ-प्पहारी पइ-दिण-अब्भास-धणु-गुण-विहण्णू । कंड-समज्जिय-कित्ती अमोहकंडो त्ति नामेणं ।।१३७८ तस्स य अचुक्क-लक्खो दढ-प्पहारी स-कम्म-विक्खाओ । वाहो आसि पिया मे कुंभसीहो(?) सीहओ नामं ॥१३७९ पिउणो मज्झ बहु-मया माया मे वाह-बालिया आसि । अडवि-भयमाण-वेसा अडविसिरी नाम नामेणं ।।१३८० जाव य अहं पयत्थो हत्थि पाडेमि एक-कंडेण । ता में भाणीय पिया सुण कुल-धर्म इमं अहं ॥१३८१ वाह-कुल-कोस-घर-रक्खओ सया बीय-पाडण-समत्थो । पुत्तय साणो सूरो जूहवई ते न हंतव्वो ॥१३८२ पिल्लयमणुपालंती पुत्त-सिणेहेण पंगुलिय-पाई। वाहाण' पि अभीरु मा पिल्लय-मायरं हणसि ॥१३८३ पुत्तं अप्परिचत्त (?) डहरायं दुद्ध मुद्धयं मुद्ध। डहरो होइ महल्लो त्ति पिल्लयं मा हु तं हणसि ॥१३८४ पिल्लाण उप्पत्ति रममाणं काम-मोहिय मईणं । पुव्व-विहाण जुवलियं मा यं(?) विजुयलेज्जा ॥१३८५ कुल-धम्म-वया(?) एसो ते होउ पुरिस-कओ । होज्ज कुलस्स अवचओ जो कुल-धम्मं विणासेज्जा ॥१३८६ बीयं अविणासंतो य जाय धम्मं च सुटु रक्खंतो । पुत्तय करेज्ज कम्मं इय साहेज्जाहि पुत्ताण ॥१३८७ तो हं सुठु य पुट्टो (?) कम्मं वाहत्तण करेमाणो । वियरामि य पारद्धिं सावय-कुल-संकुलं रण ॥१३८८ खग्गं गवय-कुरंगं वण महिसं गयवरं वराहं च । तेसु पदेसु - निसु(?) पहारं अहं देमि ॥१३८९ ता मे समाण-जाती नियल्लिय बालिया गुरु-जणेण । तरुणी पियाभिरामा दिण्णा सुरयारणी भज्जा ॥१३९०
Jain Education International
For Private & Personal Use Only
www.jainelibrary.org
| SR No. | 004633 |
| Book Title | Samkhitta Taramgavai Kaha |
| Original Sutra Author | N/A |
| Author | H C Bhayani |
| Publisher | L D Indology Ahmedabad |
| Publication Year | 1979 |
| Total Pages | 324 |
| Language | Gujarati, Sanskrit |
| Classification | Book_Gujarati & Literature |
| File Size | 13 MB |